انا الغلطان لشاعرها مجتبي الصادق

ان الغلطان هجر بلدي سكن بلد الخداع والزيف
انا المجبور اعيش مكسور احرف فى دناى حريف
قراية جامعة فوق ام كم اوربا معاها فوق القيف
تعال نوريك انا اطلع مين
انا الكادح انا الاغبش انا العدمان وليد الريف
انا التربال انا الحراس انا الطوريتي فوق القيف
انا الزارع انا الشارع انا الضل الوسيع وريف
ابوي النيل وامي الساقي بهوا الدفه والقديف
تعال نوريك امي وابوي
رجالآ يسندو المحتاج كبيرن في التقيلي يقيف
حريما يدون التحنان قليبا لينا ديما رهيف
ديل ابوي وديل امي وديل عونا يشيل همي
ديل لما الهجير الحار يمد لسناتو كوز المي
ديل لما الهموم تذداد اشوفم بس يخف همي
تعال نوريك انا بعشق مين
وجيها من بنات الحي دوام لي حنو عطشانين
حكايتي معاهو ذي زولا يشوف في يوم زهر ياسمين
يقطف ذهره منو يشم جمالا فيها في التانين
ديل ياهن بنات بلدي
تعال نوريك انا ساكن وين
تعال راكب دريب الريد طريقا للشمال شريان
تخش بلد الشمال تلقاك يلوح ليك شدير البان
يغني القمري بي جيتك تشوف شدر النخيل طربان
يخش (اضنيك) صويت طنبور صدي دلوكه صوت الحان
تفضل ديك ولاد شايق ولاد دهمش بلا استئذان
***
اسأل تاني لوفي سؤال خلاص انا تهت في الاشواق
خلاص العين بقت تزرف سيول من دمعها الرقراق
وجوه الجوف قليب الهم غرامو اذداد وصار خفاق
***