منتدي توظيف

الي ذوي الاختصاص
لو عملتو لينا منتدي توظيف يكون احسن (عشان المساكين الزي كدة يستفيدوا) ويبقي اي زول يسمع ليه بشمار وظائف طالع يكبو لينا فيه

من طرف نون الخميس يوليو 15, 2010 4:46 pm

www.alhadag.com
رحاب كيفك
غايتو الموقع ده بتنزل فيهو كل الوظائف المعلن عنها فى الجرايد اليومية بالخرطوم...فممكن يفيدك وبتقدمى بالنت طوالى
وانشالله بالتوفيق

كتر خيرك يانون العبرتيني شايفة الموضوع اطلع عليه 23 زول لكن جنس تهميش واحد

من طرف mussab kamil الجمعة يوليو 16, 2010 4:14 am

العمه رحاب كيفك_إنشاءالله أمورك سالكه علي قولة إبراهيم أحمد عبده (سالكه)٠
علي حسب علمي تخصصك هو الحاسوب وكمان إتخرجتي بدرجة إمتياز ولا ماكدي؟ وأنا شايف ناس الحاسوب ديل سوقن ماشي٠٠
معقول لسه مالميتي في وظيفه!؟ أقصد (واسطه)!!
في السودان أول حاجه تضمن الواسطه قبل الشهاده٠٠
غايتو ماعندي شئ غير أقوليك أصبري ، إنشاء الله الفرج من ربنا حا يجي٠٠وربنا يوفقك ٠

تعريجه:_
طلبك بإنشاء منتدي للبحث عن الوظائف مرفوع للمدير الفني ٠
وبعدين ماتزعلي الأيام دي أيام إمتحانات عشان كده الناس مشغوله٠٠وماعاش من يهمشك٠٠

كل الإحترام والتقدير لك

من طرف احمد محمدنور الجمعة يوليو 16, 2010 6:41 am

العمه والاخت العزيزه رحاب سلام الله عليك
اولا اشكرك لاقتراحك لمنتدي للبحث عن الوظائف
وناسف جدا لتاخر عن الرد ولكي العتبه حتي ترضي
تم الطلب !
ولك الود والاحترام والتقدير

من طرف WATHIG ELSADIG السبت يوليو 17, 2010 5:37 pm

اخت رحاب احمد لك مني التحايا مافي تهميش ولا حاجه بس كنا مشغولين بي موضوع العرس الجماعي والكسيق بتاع بنيتكن صبا اصلو نحنا الحسيناب جننا مناسبات

موضوعك حقيقة مهم بالذات للعطاله الزينا ديل وانا بقدم شهاداتي بعدك طوالي ... وظيفه لله يا لحسنين ..
وظيفه ولو بي تعريفه

اولا شكرا المدير الفني علي اجابة الطلب
شكرا مصعب واحمد وواثق طبعا انا قصدت من (تهميش) عدم التعليق علي الفكرة نفسها مع انو اطلع عليها 30 شخص ويامصعب انا درست نظم معلومات ماحاسوب وماعندي واسطة لكن الله في .

منتدي توظيف