نكات مساطيل

* مسطول بحب الكتشينة
جاء ساطل سطلة ليها ضل
دخل البيت
امو قالت ليهو يا عثمان غطي البت دي
قال ليها بعرج يا حاجة ...

* واحد مسطول مشى لصاحب الدكان قال ليه ادينى سيجارة وعلبة امواس
صاحبنا بتاع الدكان اضانو تقيلة مشى جاب ليه قلم وكراس وقال ليه اديك
بالباقى شنو المسطول عاين ليه وقال ليه ادينى بيه إملاء...


* اثنين مساطيل مارين جنب الجامعة , شافو طالب هندسة شايل ليهو مسطرة طويلة جداً ( تي سكوير )
قام المسطول سأل التاني ( لا حولا دي مسطرة شنو الطويلة دي؟ )
رد التاني : أكيد دي يكون سيف الجامعة البيقولوه دا ....


* مسطول يوم عرسو ساطل سطله شديد، بعد الناس مشت
دخل البيت جوه لقى العروس قاعدة، قال انا كنت
عارف مع جوطتهم دى حينسو ليهم زول...


* مسطول حاقد على احوص الاحوص بعمل لقيمات جلس المسطول جنب الأحول يرمى اللقيمات برا الزيت والمسطول يقول تشششش ....

* واحد مسطول طلع من الدكتور بكلم نفسوا ويقول : سحلية في جك .... ضب في ابريق.... قعونجة في جردل..... تمساح في بانيو...... رجع للدكتور قاليه قلت عندي شنو يادكتور قاليه : سرطان في الحوض......



.واحد سأل مسطول ماهو الفرق بين الحيرة والدهشة رد المسطول الحيرة يختوك في اوضة مدورة ويقولوا ليك اقيف في الركن !!!! طيب والدهشة قال: الدهشة انك تلقي الركن.....

* امشي شوفو.... اذا لقيتو مافي سوقو جيبوا........ اذا لقيتو في ........ خليهو تعال........ مشيت شفته ....... لقيته مافي ......... سايقوا جايبوا ......... رجع مني......... رجعت اجيبوا.... لقيتوا في....... خليتوا جيت....... (اثنين مساطيل عاوزين يسرقوا خروف جارم)..
توقيع »

مسطول عاملين معاهو لقاء تلفزيوني سألهو اسباب السخانه الفي البلد دي شنو قال ليهم كلو من مشجعين الكورة شابكننا فوق ....فوق لمن تكلونا مع الشمس
مسطول سايق عربيه قام عمل حادث صدم اتنين واحد مات والتاني قام طلع يشاكل فيهو انتا مجنون في زول بيسوق كدا انتا مابتفهم انتا حيوان قام قال ليهو ياخي ماتوجع راسنا شوف داك مات ماقال ولا كلمة

سطلنجي في بيت بكا اخد ليو زوغة من الفراش عشان يضرب سجارتو بمزاج قفل باب الاوضة وشعلل دخاخينو ووزن دماغو تمتام... بعد شوية الباب دق... عايز شنو؟
واحد رد:داير اشيل الفاتحة
المسطول قام اتنفض وقال للزول البرة: مافي هنا, كدي اتذكر ختيتا ويجة

مسطول دقش ليهو شرطي مرور ضرب تلفون الشرطه 999 قال ليهم بالمناسبه بببببببببب بقيتو 998

مسطول عمل عملية بواسير في المستشفى الصيني لما فاق من البنج لقى 30 صيني قدامو
قال ليهم انتو مجانين دي بواسير ولا كبري

مسطول سألوهو ما هو الحب قال آكولة في القلب ما تقدر تحكها

*مسطول فى حصة: الاستاذ سألو ده شنو(1) قال ده واحد
الاستاذ: وده شنو(-) المسطول:ده واحد نايم.