صوره من الواقع المعاش

العم يوسف سلام من الله عليك ورحمة منه وبركات ماروع هذه الصورة الرائعة والتى ذكرتنا ايام جميلة ورائعة

عم يوسف سلام

الشباب ديل شكلهم كده ضربو ليهم رطب كااااارب وجو علي موية الجدول دي ٠
ياسلام والله صورك دي رجعتنا البلد عديييل٠٠٠زمن طويل من النعمه دي٠
شكرا جزيلا

الموية دي لسان حالها بقول انا موية بحر عكرة وطاعمة اشبع واروي ..والوليدات ديل حلاة الدنيا عليهم نضاف ما ذي شفع زمان ..واقعنا مرير لكن طااااعم ...وضح لينا الصورة دي وين والشفع ديل منن؟ شبهن ماهو بعيد مننا

[]الصوره تتكلم عن نفسها مافي شك.....انا الموهدبني و عامل لي نفسيات ..مالا كلنا (سمعتنا صفر) بينما ارتفعت سمعة بابكر الي(1)...!!! سمعة [/color]الهني دي يعني شنو...؟؟؟افتونا قبل بابكر يكتشف الحكايي دى و يسل لسانو علينا..

الحسينابي وبابكر سلام

نحن في إنتظار المدير الفني للمنتدي للتوضيح٠

تعريجه٠٠٠٠
يالحساااادي ديييي٠

كل الإحترام والتبجيل٠

سرسار جديول ريدك. الجا بعد عطش
لولاهو ما كان الزهور بعد الزبول تاني انتعش
يعتمد نظام السمعه على حساب النقاط التي يحصل عليها العضو من جراء تقييم مساهماته الشخصية في مواضيع و اقسام المنتدى و كذالك استعمال زر الشكر. سواء من طرفه كشكر لعضوه ما أفاده او كشكر له من طرف عضو آخر على مساهمته الجيدة.

كدى زى ما قال الحسينابى الشغل ده ساووى قوقل براهو والله الحكايى دى من عندكم ؟
يا عم بابكر الشي دي مقوقله قوقل براهو

الاستاذ يوسف سلام الله عليك
يا لها من صور معبر وتعكس بيئة البلد ، وايضاً يظهر الابداع في اخراج الصور والعدسة التي اخذت بها الصور . "كتر لنا من زي دا"
السادة الدهامشة سلام
أما عن السمعة فكما اوضح الاخ احمد، وأضيف علية بأن هناك علامتين ،(+) و(-) بجوار صورة العضو تستخدم للتصويت للعضو ، علامة الزائد تزيد السمعة عند الضغط عليها وعلامة الناقص تنقص السمعة "يعني يا الحسينابي ان بقيت ماداير بابكر يطول لسانو عليك بس نقصلو سمعتو" .
أما ماكتب عليه مستوي الترشيح فهذه لم نتحقق من كيفية عملها حتي الان لأنها "مقوقلة " علي قول احمد.
اما الخمسين دي يابابكر انت ما شفتها سمح لأنها 1 من خمسين وانتو واحد من واحد "الكتيري ياتا؟".

* تم تعطيل ما كتب عليه مستوي الترشيح.

تحياتي

لكم التحيه جميعا بدءا من عمتنا مرورا بكل الاعزاء بعضكم نشتاق له وهو بعيد والبعض قريب ومشوقنا ليه هذه الصوره فى مترة حسين ود سعيد والقراع حيدر والشباب محمد يوسف وابوبكر يوسف وترهاقا محمد الضو والواقف عبد الله محمد الضو شكرا كأنى معكم

جنات تجري من تحتها الانهار .. شكرا يوسف تحايا خالصه لك والاسره ..

الجدول الطربان سرح قاليها اشربي بالهنا والقمري قوقي علي النخيل طربان يردد في ال٩نا .. شكرا قرشي الحجير

تصحيح : في الغنا