قصة نسب

كان الرجل قد أوشك أن يلقي بنفسه في البحر لولا انه سمع
صوتا يصيح به قائلا أيــها المجنون ....قـــف

وأيقن انه لن يتمكن من الانتحار
بهدوء وتوقف الرجل مرتبك

وشاهد رجلا عجوزا يتقدم منه


وينهال عليه بعبارات التأنـيب ليأسه
من رحمة الله ومحاولته
الانتحار


ثم سأله :
مالذي يدفعك الى الانتحار يا رجل ؟

فقال :
مشكلة عائليه معقدة
فرد عليه العجوز
وهل توجد مشكلة دون حل ما هذه المشكلة ؟

وبدأ الرجل يروي قصته

قائلا :
تزوجت سيده ارمله ولها فتاه في عمر العاشره وعندما بلغت الفتاه
سن الرشد رآها ابي

فاحبها وتزوجها فصرت صهرا لابي كما ان ابي اصبح في مقام
زوج ابنتي

واصبحت انا (حما) لابي لان زوجتي حماته

ثم انجبت زوجتي ولدا لي


فاصبح الولد سلف ) ابي)

وبما ان ابني هو اخو زوجه ابي التي هي بمثابة
خالتي صار ابني يعد خالي
ايضا

وحدث ان وضعت زوجه ابي طفلا يعد اخي من ابي وفي
الوقت نفسه هو حفيدي

لانه حفيد زوجتي من ابنتها وبما ان زوجتي صارت جده
اخي فهي بالتالي
جدتي وانا حفيدها

وهكذا اصبحت انا زوج جدتي وحفيدها في الوقت ذاته

ونظرا الى انها جدة اخي فانا اصبحت ايضا جدا لاخي

وبناء عليه اكتشفت انني اصبحت جد نفسي او حفيد نفسي
لانني ......

وهنا قاطعه الرجل العجوز

قائلا : كفى... كفى...


وقام العجوز بدفعه للبحر قائلاً:


أبوك لأبو جدك لأبو إللي جابك يابن الكلب

هاهاهاههههههههه

اجمل حاجه انك تسمع نصيحه من ذي العجوز دا لانو ريح نفسو وريح الراجل دا لانو حلو كان جزري للمشكله
والا كيف يا جماعه
_
تخريمة:
دايرلي زول يدفرني

دايرلي زول يدفرني

غايتو لو أصلك ماشى فى اتجاه صاحبنا الفوق ده انا بتبرع ليك بالدفرة وكمان تدفع لى قروش باعتبار انى عملت فيك فايدة

السلام عليكم ورحمة الله والله دى مشكلة دى ويبقالى الحسيناب ديل كلهم زى دة دة ود خالة دا ودا ود عمة دا ودا خال دا جنس لخبتة وحدى لااسع ما قادر افهم النسب بتاع الحسيناب دا
تخريمة : كلهم معناها دايرين دفير

والله يا مهدي راسي بضرب واكون ما فاهم حاجه وكت يحكولي عن قلوتيت نسب الحسيناب شربكه شديدة٠
تعريجه : مهدي قال كل الحسيناب دايرين دفير
يعني يانون الدفرة جاياك انتي برضو
ابدي دفري بس ما تبديبي انا

الحب المتواصل

والله يا مهدي راسي بضرب واكون ما فاهم حاجه وكت يحكولي عن قلوتيت نسب الحسيناب شربكه شديدة٠

والله انا نفس الشى...وفى المناسبات أكتر حاجة محرجة لمن أتسئل من زول محدد انو هو منو او ببقى لى شنو واكون انا بعرفو لكن الرابط العجيب بينى وبينو بيروح لى تماما!
وبناء عليه بتقدم بطلب لى عمى عبدالرحمن يا ريت لو شجرة العائلة الزمااااان كنت بى استماتة بتحاول نفهما لي وما جابت فايدة...ياريت لو تعملها وتنزلها لينا كموضوع مثبت فى المنتدى عشان الناس تعرف البيها والعليها

احبابنا العزاز سلامات
اشكركم علي المرور
اضيف صوتي الي الاخت نون وبصوت عالي ننادي الحسينابي
دايرين شدره العائله

انا حأبدا ليكم وانتو جرو عمكم الحسينابي لاكمال الموضوع... انا ذاتي ما عارفة سمونا الحسيناب ليه ما دام اصلا جدنا الكبير اسمه فضل يا الحيسينابي..؟؟ بعدين شوف البطان ديل مجهجهين عديل كدي لاهن فارزين العم من الخال...شان كدي سولن الشدرة دي خلهن يفهمو حاجة...حننوني عديل

اتنين من اولاد الحسيناب سألهن واحد انتو تبقو لي بعض شنو ؟فرد احدهم ...نحن اولاد عم..واولاد خالات.. وهو خالي انا وانا خالو..هي سلسلة خلي صاحب الحدث يتمو بما انو موجود معاكم

السلام يا أهل الدار
موضوعك دا يا ابو احميد كلما امر عليه اكون داير ارد اطش شبكة لأنو قصة النسب بالجد زي ما قالوا الشباب تحير عدييييييييل ، شربكة شديدة ، وبالذات الواحد اتربي بعيد من الاهل ، اللهم بس تحفظ الخلاصة النهائية وخلاص لكن ان في واحد لحق سألك جات كيف الا تقد سلك .


التحيات للجميع