أول لقاكي وهيبتو للشاعر الحبيب

أول لقاكي وهيبتو



هادي وحزين أول لقاكي وهيبتو
زي نصرة الحق المبين يوم لاقا يوسف إخوتو
سلطان ومال ...... هيبة وجمال
هن دار يفوتن تاني وين
وإنتي الجمال راس دولتو
******
عزالي كان جايين عشان
تلقيني بي صرة جبين
يتلاقوا باكر يشمتوا
******
لكني ... من جيت مطمئن
عارف قليبك ياكنين
طيب وأمين بي فطرتو
****
وفعلاً دا كان في لحظة بان
خلي الحنين قلبك يلين
بي غفلة سالت دمعتو
******
آه ياكنين ... قلبي الحزين
شوقو الدفين صار دربكين
ينحر سنين في مهجتو
******
بدر الكمال فوق الرمال
لونك جميل طرفك كحيل زي الغزال في نظرتو
******
ذكرني أيامنا الزمان
عشناها في شاطي الأمان
لما الزمان في غفلتو
******
والليلة كم طاوي الألم
عايش براي شوقي وشقاي
واطيهو عاصر جمرتو
******
مافيش وجيع قلبي اليضيع
في ليل طويل حاربو الدليل
قنع الرجوع من رجعتو
******
هذي الدهور في سراع تدور
مابية المسير طايرابنا طير
قايلة الفراق من قلتو
******
ماعارفة كيف أنا ذاتي ضيف
بين الجميع
طفلاً رضيع
عايش وحيد في عزلتو