عابره بت المدائن للشاعر الحبيب

بت المدائن

عابرة يا بنت المداين والمدن ما فيها عشرة
يا حليل أيامها راحت خلفت جواي حسرة
كل ما اقول آخر دي عابرة تاني ألقا اشعاري تترى
تندفع قدامي دافرة زي مياه النيل بتجري
وفي بوادي أحزاني فاضت وماإكتست وجداني خضرة

للأسف يا عابرة عارف إنو في دربك ضياعي
إلا برضو مصرأجازف حأظل طول عمري ساعي
ولي عيونك لازم أوصل وحتى لو ما الليلي بكرة

حبي ليك يا عابرة صادق حبي ما بيعرف فنادق
حبي من وحي الخنادق من زفير نفس البنادق
ولا بيقيف قدامو عايق ولا الرياح تمنعلو هجرة

كيف سواسيوك أسوقها في الضحى الحلق حِدي
فوق جزارات غالي سوقها بيها كل المافي زيو
ولا قدرت أخش أتاجر لاني قادر أرجع أقرأ

أقرأ إيه من غير عيونك وإنتي لي عيني سراجها
كيف زمانن قلّ نورو وشع فيهو الروح إبتهاجها
وكل ما أصيحيا عابرة وينك وفي الصياح تخنقني عبرة

دا الحرام يا عابرة ظاهر شرحو مابيصعب علينا
والحلال طيراً مهاجر ما بيرك يوم في المدينة
وتقرع أجراسوالمداين والطيور إيمانها فطرة

ما الطيور إحساسها صادق تعرف الفجر الحيطلع
صادقي والإنسان مخادع حتى لو كان دابو يرضع
الجبال أبت الأمانة وشالها هسع الواطي جمرة

ماضي في دنيا عنادو اليفوت كان فيها ينفع
مهما كان إدراكوواسع عابرة ما علم الله أوسع
وشوفي كيف روعة جلاله لما قال للأمي أقرأ

منقول

الاخ احمد سلام الله يغشاك وعين المولي ترعاك

قصيدة رااايعة ما في ذلك شك ، فالحبيب شاعر بكي وأبكي .

تخريمة:
النقل دا خليهو لينا ، نزل لينا أشعارك

أشواقي بلا حدود