سافر زمان

سافر زمان قُبال سنـــــــين
لا جاب جواب لا جاب خبر
أمو البتسأل كـــــــــل طاير
وكل عائــــــــــــد من سـفر
خيالو ما فارق عيونـــــــها
وطيفو ما غاب ليهو أثـــــر
***********
وما زال هـناك في الركن داك
صوتو وغناهو وضحكــــــــتو
وصورو المعلقة في الجــــدار
وجرايدو والكتب الزمـــــــان
الليلة كاسيهم غبــــــــــــــــار
مصباحو في الركــــن الحزين
ومكانو مازال في انتظـــــــار
أصحابو أنداد الطريـــــــــــق
قدّام عيونـــــها مشوا إخضرار
**********
ياماشي لي بلداً بعيــــــــــد
قول للمخاصم أسرتـــــــــو
قول للمفضل هجرتــــــــــو
ما عاد قطار ووصل جواب
إسمك تهزّها ذكرتــــــــــــو
والبيت وراك لو شفتو كــيف
ضاعت مواسمو وخضــــرتو
**********
يا حليلو لمن كان صغير
تلميذ بيمشي المدرســـة
تشفق عليهو من الطـرق
وتخاف عليهو من المسا
كيف ينسى عيديَّه وحنان
وكفاح سنين كيفن نســــا
*********
سافر زمان قبال سنيـــــــن
لا جاب جواب لا جاب خبر
*********

الاخت نهي سلام
اولا مرحب بيك في منداك وكوني شامخة كالشمس في كبد السماء
قصيدة حقيقة ويلا معانا نبنيهو شموخ وشجي باقي شامخات بلادي

ملحوظة :
ارجو توضيح اسم الشاعر

أهلين عمار وشكراً على الترحيب - قصيدة سافر زمان للشاعر محجوب شريف