مجرد محاوله

حاولت لى قلبك اكون اول عشيق يلقى المنا
حاولت رغم القسوه فيك احلامى ما تعرف فنا
بديت بى ونسه وكلام حسيت بى حبك دنا
خشيت فى الموضوع عديل موضوع يجيب البشتنا
انى دايرك لى عروس وتملينى بالعز والجنى
رديتى بى انو الكلام فيهو شيتا مدفنا
فيه اوراق للحساب اظنو فكرك دونا
قلت ليك انسى الزمان ما يخرب البينا اتبنا
وجاوبينى فى القتو ليك انا ليك عريس يا بتنا
قلتى بتفكرى فى الامور وتدينى رد يوم الهنا
جيتينى بى مر الكلام وجيتينى بى سبب الغنا
وقتى الجامعه دى هى الاساس وما اظن اصبر انا
واصبحت مطرب للشباب واصبحت قندول السنا
ما قالو بت العم دوام تستر شباب ولدا نما
وتقيف معاهو فى الصعاب تتحدى ما بتعرف ونى
ييدى الصعوبه المن زمان داير لى زوله تفجنا
تهزم جيوش الحيره فيي وتكبح جواد مرض الغنا
وكان قلتى الفقر دا ماهو عيب فينا الرسول سيد الملا
وكان قلتى سلطان الزمان الدنيا ما للزينا

الأخ خالد سلام وسلام:
إبداع مافي ذلك شك ، وكما زكر الأستاذ بابكر لم نفهم معني البيتين المحددين نرجو التوضيح لعموم الفائده.
والمزيد من الجماليات0
خالص الود