نكات المساطيل

من طرف ايهاب محمدنور الخميس يونيو 03, 2010 6:03 pm

مسطول مشى يخطب.. أهل العروس ساكنين في حي راقي جداً... جابو ليهو شاي لبتون قام رفع الورقة من الكباية وقال أهااااااا من هسي بدينا في الكواديك .

واحـد عندو أرنب عاوز يبيعــــو جاهو واحـد مسطـــــــــول قال ليه القرد ده بي كم ؟ رد الراجـل : دا أرنب ما قــــــرد؛ ؛ المسطول قال ليه يا أبو الشباب أنا سألت الأرنب ما سألتك إنت .
مسطول خطيبته قالت ليه أنا أهم حاجة عندي الإخلاص ! قال ليها : وأنا الحمدو .
واحد جِلده اشترى ليهو ساعة سألوه : الساعة كم ؟ قال : أها خلاص دايرين تكملوا الحجر .
مسطول ماسك قسيمة الزواج وقاعد يقلب فيها يمين شمال زوجته سألتو : بتعمل في شنو يا راجل؟ قال ليها : لا أبداً مافي حاجة ؛ قالت ليهو : كيف مافي حاجة ليك نص ساعة بتقلب في القسيمة داير شنو ؟ ردّ عليها : بفتش في تاريخ نهاية العقد .
مسطول ولدو الصغير عيان وداهو الدكتور وبعد الكشف والفحوصات الدكتور قال ليهوالولد ده بيســنِّن ؛؛؛ المسطول ردّ والله أنا ذاتي قلت كده .
مسطول وقع في حفرة عميقة حاول يطلع ؛؛ ثلاثة مرات من غير فايدة قال : دي آخر مرة لو ماطلعت ح أمشي !!
مسطول جنو مظاهرات مشى الحج شاف الناس بيرمو في الجمرات حرق لستك
مســــطول واقف شمــاعه في بص ماسك في الحديدة بيد واليد التانية ماســـــك بيها سجـــــــارة .. جاهو الكمســــــاري يخلص منو قال ليه أرح أدينا ياخينا ؟ المسطـــــول قاليهو أديك كيف ماشايفني ماسك بيدي الإتنين؛؛ الكمســاري قاليهو خــلاص جيب أمسـك ليك السجــــــاره ؟ قاليهـــــو ليييييييييييه ما تمسك الشماعة .
إتنين مســـــــاطيل الأول يقول للثاني تصدق إنت تشبه الحمــــــار ؟ الثاني قال ليهوقول ماشــاءالله .

ســـــــواق أمجـاد راكب جنبو واحــــــد سميــــــــن لدرجة إنو ماقادر يســــــوق . في واحـد مسطـول راكب في الكنبة الخلفيـــة قال للسـواق.. ياإبن العـم شيل دركسونك وتعال معانا بي وراء.

مسطول سألوهو ما هو أصعب موقف واجهته في حيـاتك ؟ قال : موقف الــــحاج يوسف.

مسطول بصلى فى العصر واحد اتصل عليهو فى موبايلو قال ليهو إنت وين ؟ المسطول قال ليهو أنا فى التشهد
مسطول خش عنبر مرضى السكرى قال ليهم إزيكم ياحلوين .
مسطول دخل بيت بكاء داير يشيل معاهم الفاتحة لقاهم مسيحيين قرأ ليهم سورة الكافرون .

مسطول سألوه : تحب تهدى شنو بمناسبة اقتراب شهر رمضان ؟ قال ليهم .... أغنية هيفاء وهبى (رجب حوش صحبك عنى )

أستاذ سال تلميذ مسطول ما معنى كلمة سبيل؟ رد التلميذ: طريق. الأستاذ : وسلسبيل؟ قال ليهو ... طر.. طريق
مسطول بيعمل تجربه فى ذبابة مسكا وقال ليها طيرى طارت . مسكا تاني و قطع ليها جناحينا قال ليها طيرى ما طارت ؛ كتب : وأثبتت التجارب أنّ الذبابة عندما تقطع جناحيها تفقد السمع.
مسطول قال لي زميلو: أمبارح اليوم كلو بالي مشغول ؛؛ رد عليهو زميلو : يمكن يكون في زول رافع السماعة .
مسطول سطلة شديدة سمع المعلق بقول فاول لصالح رونالدو... قال أول مرة أعرف إنو رونالدو عندو ولد اسمو صالح .
مسطول شديد مشى سلاح المظلات .. قال ليهم داير أعمل مظلة للمرحوم الوالد و كده
مسطول قال لي صاحبه أنا حلمان إننا بقينا فنانين ،،، إنت فنان تشكيلي ... وأنا فنان أشكيلك
مسطول وزنه زاد .. مشى للدكتور فى الخرطوم .. الدكتور نصحه يمشي كل يوم 3 كيلو أو أكثر.. بعد إسبوع ضرب للدكتور قاليهو أنا في الحصاحيصا أواصل ولا أرجع.
مسطول بنى بيته في شكل دائرى لمن سألوهو عن السبب قال: عشان مرتى ما تقول لى حابسنى بين أربعة حيطان .
بت رسلت لمسطول خطاب عاطفي وبين كل فقرة والثانية كتبت ليهو آه.. آه.. ردّ عليها: كلامك حلو لكن الواحد وخمسين دي ماعرفتها؟

واحد مسطول قالوا ليه أكتب لينا موضوع إنشائى من 10 صفحات كتب في الصفحة الأولى ركب الرجل الحصان وفي الصفحة الأخيرة كتب نزل الرجل من الحصان وبين الصفحات كتب كبجك كبجك كبجك كبجك.

واحد مسطول سألوهو لو خروف عرس نملة بيولدو شنو؟ قال يا خروف منمِّل يا نملة مخرِّفه.

أربعة مساطيل قالوا عاوزين يقلّدوا الخريف واحد قلّد صوت الرعد وواحد قلّد البرق وواحد قلّد صوت المطرة والرابع شال المرتبة وخشة بيها جوة .
مسطول اشترى خروف ضعيف شديد ..أ بوهو قال ليهو ده شنو الخروف الضعيف ده ؟؟؟ قال ليهو ماتعاين للجسم شوف العيون كيف؟
سكران أبوه مات وداهو مغسلة الأموات وقاليهم بالله غسيل ومكوه مستعجل .
مسطول متفلسف سألوة إنتربول يعني شنو؟ قال ليهم يعيني كفر جواني
مسطول جا جنب يافطة طلمبة أجب ؛؛؛ طلع بالسلم وكتب : بلا أو نعم
مسطول بيضرب بوهية فى الجدار قالوا ليهو خت جريدة تحتك قال : لا لا كدة محصل .
مسطول سواق حافلة الكمساري قال ليه : اللستك نزل ؛؛ قال ليهو: ما تشيل منو.
مسطول قامت ليه حبة فوق حاجبو .. وقف قدام المراية وعاين ليها وقال : هسه دي يقولوا عليها عين ولة غين !!؟؟
مسطول مرتو ماتت قالوا ليه : نعوضك و نديك أختها قال : دي نسابة ولا شركة تأمين
مسطول محكوم عليهو بالاعدام كل ما يجي يشنقوه ، الحبل ينقطع ....عاين للسجان وقال ليهو وهو متغاظ ..إحنا جايين ننشنق ولا جايين نلعب!!
مسطول عجبتو بت في الحافلة لما نزل شال رقم الحافلة .
حنكوشه بتحب زميلها في الجامعة من أهل العوض في عيد الحب أهدتو ببغاء تاني يوم سألتو : بالله رأيك شنو في الببغاء ؟ قال ليها : ماتسمعى طعمو جداد جداد
واحد زهجان من مرتو طوااااالى .. يوم من الأيام قال يدلع مرتو شوية ويغير معاملتو يمكن المرة تتحسن شوية .. لما جاء داخل البيت قال ليها ويييييين ياغزالة ؟؟ قالت لو أنا ماغزالة .. أفتكر أنا حمامة .. قام قالها مامشكلة المهم حيوانة .

من طرف خال التيمان السبت يونيو 05, 2010 3:53 am

ظريفة قصص المساطيل لك التحية

من طرف mussab kamil السبت يونيو 05, 2010 10:37 pm

ود الخاله سلام ووئام:_
والله شوقنا شوق الطيور الراحله للعش والجني.
مشكور جدا"علي هذا الموضوع.
الحقنا بشئ من نكات الرباطاب فهم أهل طرفه.
خالص الود

من طرف مهند بشرى الأحد يونيو 06, 2010 4:34 pm

ها ها ها ها والله يا ايهاب قطعت مصارين اصابعينا الصغار بالضحك
لكن الزول دا ما مسطل

.....مسطول شدييييييد!

من طرف ايهاب محمدنور الأحد يونيو 06, 2010 7:57 pm

الاخ خال التيمان
تحياتى وشكرا على التعليق الرائع

من طرف ايهاب محمدنور الأحد يونيو 06, 2010 8:05 pm

الرائع دوما فى دواخلى دكتور مصعب
شوق كميات ,واتمنى اتوفق فى ما طلبته ارضاءا لشخصك العزيز ,واثراءا للمنتدى

من طرف ايهاب محمدنور الأحد يونيو 06, 2010 8:13 pm

الاخ سيد الزوق الراقى د.مهند
عاطر التحايا ,وبركة الجات فى مصارين الاصابع الصغار ,وتسلم يا ود الخال من كل شر
وحقيقة الزول ده ما مسطول شديد
مسطول شديد خالص!!!

نكات المساطيل

نكات المساطيل

رد: نكات المساطيل

رد

رد: نكات المساطيل

رد: نكات المساطيل

رد: نكات المساطيل

رد: نكات المساطيل