امونه للشاعر محمد عبدالباقي

ساعة العصارى الضل يمد فوق الجروف
يكسى التبيسات بالطرح
وعين الشمس تنزل خجيلانى
وتكوع بين شديرات البلح
والغيم ينقط من دموعه على الصفيقات السبح
وامونه تمسح من خديداته وتلون قوس قزح
يا نور عيونا ما بتشوف غيرك سماح يا امونه
انتي سمحنا بس شالنا وفتح
يا عز وجوها ضاحكى فى عز الصباح
تلقانا بالرضاء والفرح
يا بت رجالا من جريدن ومن وريدن
يلفوا ضيفن بالقدح
انتىالمهيره الفى ضراهم
يا ضراهم قبلة الجاع والنزح
انتى عيدن وضى مسيدن وكفة ايدن
يا ندى الايد النضح
انا شان بريدن من قصيدن اقول وازيدن
اكيل عيون الكون غناء
امونة انتى وحات عيونك طلة الخير والمنى
ساعة يجوا الغايبين عيون الفال تسالمنا وتشيلنا تضمنا
ويا امونه تتفتح مشاعرنا ونقش عرق الدروب المزمنه
ونغنى آآ فرحة عيونك تلهم الناس الفرح
وآ غربة الماحج فى فرحة عيونك وانجرح
وكتين يدوب غناينا فى نقنيق سلوكه يرطنه
امونه فى فرح البلد عقبال وفال وكلام هناء
حنه وجبيرى وخيط حريرى ونور هلال فوق الجنى
امونه حق ام العريس مكمود ضريرى مخزنه
امونه انتى وحات عيونك
طلة الخير والمنى

ما اروع الشاعر والجد محمدعبدالباقي وياريت تنزلوا لينا قصيدة القوز