في اي عام تأسس نادي النسور الشامل ؟ ومن هو اول رئيس له ؟

دعونا نجعل هذه المساحه بنك للمعلومات

العم بابكر سلامات
تأسيس النادي كان في الحلة التحت .صحيح بعد الفيضانات (1988)
كانت اول دوره في عام 1990 وكان اول رئيس للنادي بشري عبد الرحيم
لمدة ثلاثة دورات والسكرتير علي محمد احمد والامين العام انت كما قلت
ولكن نسأل عن التأسيس الاول قبل الفيضانات افيدونا
ولكم الود والاحترام

الخوة الاعزاء الاكارم
تأسس النادي في عام 1963
واول رئيس له سعيد الطيب
والامين العام بشري عبد الرحيم
والسكرتير عكاشة
وكانت البدايه بمنزل المهدي عبد الهادي
المصدر بشري عبد الرحيم
ومنتظرين معلومات اخري للتوثيق
ودمتم في رعايته

الاخ العزيز احمد
مشكور على المعلومة واكيد هى صحيحة اذا المصدر الخال الموسوعة بشرى وانشاالله لمن انزل البلد بسال القائمين على امر النادى اليومين دى واتمنى انو يكونوا عارفنها

اخى ورفيق الدرب المشتاقون اليه دائما <حميد> تحايا واشواق اولا اعتزر عن غيابى الدائم عن المنتدى وعبر الهاتف ايضا فلك والجميع العتبى .... ما تقولو نحن <دقيانين> والا جافين والا ناسين ابدا بس البلد دى ما زى هناك وزى ما شايف اخوك لسه القوس فى الكى بورت ما عارف محلو وين بعدين انتو يمكن الكمبيوتر معاكم فى البيت والشغل لكن انا بلاقيه فى الشهر مره والا تدفع خلو رجل حتى تلقى ليك محل فاضى ... المهم محريه فيكم اقبلونا كدى والفرج من الله بجى .. ثانيا تقريبا فى <اليافطه> بتاعة النادى مكتوب تأسس سنة 66 والا 63 ما اقوليك اما بقية المعلومات فالنقر ادرى مننا تقريبا ... فوق ده بشكرك كتير على اهتمامك البالغ بمعلومات المنطقه الخفيه التى سيأتى جيل يبحث عنها كما يبحث السودانيون عن الذهب فى مناطق الجعليين والمحس ! فلنبنى لهذه المنطقه مجدها واهراماتها حتى ندفن تحتها الغالى والنفيس من إرث وتراث وثروات وموروثات هذه الحلة الشامخه ~بكسر الحاء~ ولنا لقاء ...
اخى لك منى الود الذى تعلم والذى لا تعلم ...