اكرهها علنا

دي بدايات ركيكة تحتاج تعديلاتكم وتوجيهاتكم
حاولت اعكس الماسي العايشنها في كليتنا (نتراجا ) الحربية مع عميد الكلية (بارمان )
بارمان او بارمال وما ادراك ما بارمال طول اللسان وسب السودان الله يخلصنا من الكلية دي يخرجنا ولا يخارجنا
**
اكرهها علنآ
**
اكرهها بالية الثوب و الأبدان
اكرهها علنا من قلبي
اكرهها حتي الإدمان
اكرهها رغم الحب
الكان يغازل في الوجدان
***
قبلت شفاها مبتسما
واظني كنت سكران
العقل إن كان في وعي
ما قبل تلك الشفتان
ما غازل خدا ملمسه
ترعش منه الابدان
ما قابل والدها يوما
او اسمه ذاك الشيطان
اكرهها اكرهها( نتراجا )قاتلتي
وذاك المدعو (بارمان)
***
اعزرني قلبي إن كنت قسوت عليك
لا أدري هذا القسيان
فجراحك تنزف في صمتا
ودموعي في كل مكان
**
لكن طموحي علمني تحدي كل الازمان
علمني أن ابكي مبتسما
واضحك خلف القضبان
علمني أن أصمت احيانا
وأهدئ روع الغضبان
علمني أن الارقام حروف
والأهة صوت الولهان
لا اهة بعد اليوم
الماضي خالي احزان
فبات قريبا موعدنا
لنقبل ارض السودان
ونتذوق ماء النيل
ونتبع دربه في الجريان
لجنات شمال نسكنها
زينتها نخل رويان
****

عبدالرحيم محمدنور

العم والاستاذ بابكر سلامات
شكرا علي مرورك و تعليقك
الهند من حيث الطبيعة والخضره جنة الله في الارض
والله الصوره دي فوق جبل طالعنو تلاته ساعات بالبص يعني مافي حجر ماهو اخدر
بس كمان جرف فضل وقوز محجوب طعمن احلي وريحتن حلوه

خالص التحايا

السلام علي من أتبع الهدي:
ياعبدالرحيم يا أخوي الستره والفضيحه قالو متباريات!!
إنت بقيت تطق في الجرسه دي مالك من بدري كدي؟ ، الشغلانه لسه باقي فيها سنتين.. لوك الصبر
‏(لكن والله بيني وبينك الشغلانه دي حاره تب )
لكن والله كلية نتراجا الحربيه دي الزول لو مرق منها حقو يضبح ليهو عشرة تيران عدييييل كدي.
أما بروفسيور / بارمان عميد الكليه ده حكايتو حكايي زول صارم صرامه كدي مبااااالغه ، تفتح خشمك بقولة بغم ساي يندمك علي بغم دي ندامه الكسعي،
أوع من تغيب أوع من تجي متأخر أوع من تشاكل إستاذ أوع من ماتجي شاكي ولابس جزمه أوع من تجي شايل تلفون في الكليه ___الخ
لكن يازول هانت تب
‏ ‏ خالص الشكر