قصة وفاء

قصة وفاء


الليلة كانت ليلة جد قصة وفا وقصة وعد
مرت سنين ممدودة مد عاش حبهم حار مابرد

قصة حبيبة مع حبيب إنتظروا للفرج القريب
كان ظنهم قوى ما بخيب بيلمهم حتماً نصيب

عاشوا المحبة ضنا وعنا وضاقوا المعاناة كم سنة
كان عهدهم حتى الفنا فى الريدة شادوا اعظم بنا

تاريخنا فى العهد البعيد زول حبه ما شاف لى جديد
يا مغرمين بغرام عنيد مبروك سعيده مع سعيد

من يملك الإصرار يعيش من يهنو يتحتالو ريش
عيشو السعادة بشيش بشيش وفى ضلها ابنولكن عشيش

تتهنوا مرقة وكت اصيل وتهبكم نسمات عليل
تتسامروا بين احضانو ليل وتتناجوا صحبة مع سهيل

أرويتوا ده الحب الشفيف وسويتوا لى أصراركم وصيف
ده نزفتوا من ريدكم نزيف إلا الزمن كان جد حليف

يا ناس تمام يا ناس عزاز ما انتوا رمز الإعتزاز
عشاق حقيقة فريد طراز اصبحتوا للتايهين ملاز

شاعر ويغالبنى الشعور مفتون واسطر فى سطور
أن شاء الله كونكن ما يجور فى سعادة تسبحوا فى بحور

ألفين تحيه سلام سلام مبروك وما احلى الكلام
أفراح مع الأيام دوام ولا تنسوا عاد عهد الغرام

التحية للاخ سيدأحمد رمز الصمود والصبر