وثقو لشعراء الحسيناب

السلام عليكم ورحمة الله وبركاته السادة أعضاء منتدي الحسيناب الشموخ نرجو من الأعضاء التوثيق لشعراء المنطقة وهم علي سبيل المثال لا الحصر الأستاذ قرشي عباس وجعفر الأمين وعبدالعظيم عبدالرحمن ووليد عبدالرحمن واحمد عبدالله وكندر نصر الدين ابراهيم واسامة محمد عبدالباقي والسقاف عيسي واعمامنا عوض عبدالباقي وعثمان عبدالباقي والمرحوم عمنا عبدالله عبدالباقي ومحمد أحمد حسين والمرحوم محمد الطيب وغيرهم كثير

الاخ مهدي سلاما من الله عليك ورحمته وبركات قد طرقت باب مهم جدا جدا
واتمني من كل الاعضاء ان يساهموا في هذا الموضوع شيبا وشبابا . فالتحيه لكل
شعراء بلادي الاحياء منهم والاموات نترحم عليهم وان يسكنهم فسيح جناته
الاخ مهدي بما انك فتحت هذا الباب فابدأ لنا بقصيدة المرحوم محمد الطيب
( نكورك يابقج مالك مارميتلنا الدفيق )

الاخ احمد سلام عليك والله قصيده المرحوم محمد الطيب دى فتشتها في كم حته ومالقيتها لكن شايف خالي محمد حافظه واتمني انو يوم القي فاضي شوية عشان اكتبه منو ونرجو من الاعضاء الباقين يوثقوا لي باقي الشعراء وشاعراتنا ايضا

الاخ مهدي سلامات
اول شئ مبروك سمعنا قالوا بديت تعمل في ماجستير وربنا يوفقك وعقبال الدكتوراة
تاني موضع التوثيق دا لازم تمسكوا انت عشان قريب من الناس في السودان وحاول تلقط من دا ومن دا عارفنك مشغول بس اضغط نفسك اكتر
حتي لو اطريت تستعين بشباب معاك من البلد وتقدروا توثقوا اشعار حبوباتنا وخالاتنا واهم حاجة المديح وعندك (الموسوعة) الخال الحسينابي

وربنا يعين

لك كل الاحترام
عبدالرحيم محمدنور

‏ الأخ مهدي سلام :
حقيقه فكرتك دي فكره رائعه شديد _ فمسألة التدوين هذه تراودنا جميعا"نحن أعضاء هذا المنتدي
فالحسيناب يا سيدي تزخر بكم هائل من الإبداع (إبداع حقيقي)
تجده في أشعار الدرويش ومحمد الطيب و حسين أبوالحاج وعوض عبدالباقي والحسينابي وبابكر محمد خير وقرشي عباس والمرحوم قمر الدوله وعبدالعظيم محمد سيد أحمد و يوسف أحمد حسين فالقائمه طويله.
ولكن كيف الوصول إلي هذه الدرر
المخبأه عمدا"في بعض الأحيان
(الدرويش علي سبيل المثال)
بالطبع المهمه شاقه وتحتاج لطولة بال .
وكما ذكر لك الأخ عبدالرحيم أن الأستاذ /الحسينابي يملك مكتبه توثيق هائله بها كم لابأس به من مديح وقصائد وأشعار حبوبات وقعدات ومناظرات.
فليتك شددت الوثاق عليه قليلا حتي تري هذه الأعمال النور ويطلع عليها جيل الشباب هذا.
كما نرجو منك أيضا حث الشيب و الشباب الهناك في السودان الفي البلد والفي الخرطوم للإنضمام لركب المنتدي.
وهناك عضو مهم جدا جدا في مسألة التوثيق هذه الا وهو أخونا د/أشرف عبيد فقط نتمني أن يمنحنا من زمنه بعض الوقت.
د/أشرف ده بيوثق بالصوره والصوت.
ختاما":
نود أن نقدم تهانينا لك بالإنخراط في درب الدراسات العليا طالبا بجامعه السودان ماجستير المحاسبه والتمويل0وعقبال التخرج.
‏ ‏ خالص الود