تراس للشاعر مجتبى الصادق

بوصل معاك حد الصبر كان عندو حد
وأقطع معاك ايد الزمن لو فيه يد
وأنسج حبال البال طوال ممتدة مد
وأرجاك لي أطول أمد
لافيك صبرى بيكتمل لا في ليك كفوا احد
لادى العوارض لاالزمن راح تبقى في بيناتنا سد
لاالخطوة ليك قعد تكل لاالزول وراك كمان يمل
لاالفي الدرب يتحاشى صد
جواي مشرقة ياتراس براقة يانجم السعد
ياسكة لازم أوصلك من غير حساب وبدون عدد
ياشافعة من عبق الجروف يالينة وأقوى من الظروف
كان شفتى قلبى وكت سجد
لله يهمس بي حروف من غير حروف الآ أسد
سبحان ربك ياعيون
سبحان ربك ياشفاه
ياناطقة باسم الكادحين
الفي صدورن لقمتاه
يالفى أضانك مافى رد
غير بس صداك الجاك صاد
لمن لقاك بلا مناد
والحيل خلاص اتهد هد
والصبر قرب للنفاد
لو ماقضيتك كان نفد
ماالقصة أكبر من هموم بتا تحبلا في ولد
ماأصلو ريدك في القليب موجود وعايش للأبد

ساره عشان فراقها بتبكي '
ماك في القسمه يامجتبي٠

شايفك تبكي حين يجيبو إسيمها _غرقان في بحورها تلاوي مابين العرق والشيمه٠

التحيه لك مهدي والتحيه كذلك موصوله لصاحب هذا الإبداع٠