خدعه(عنوان مقترح) لشاعرنا مختبى الصادق

لما قلت بريد عيونك
كنت صادق في كلامي
اصلي ما أتعلمت اتاجر
بالكلام ابلغ مرامي
لاقريت اصول خداعك
لا بقيت في الريد حرامي
انت لوعاجبك جمالك
شايفه فوق احلامنا سامي
تبقي مغروره وغرورك
حدو اقرب من هيامي
لا تظني الزول بدونك
يبقى وحداني وعصامي
او يحطمو جور عيونك
وانت ترتعي فوق حطامي
عيشي اوهامك براك
خلي احلام التعدي
يممي القبله التعجبك
مركبا شالك يودي
خلي دناي شان تفتح
يبقي لون ازهارا وردي
قصري الخطى فوق دروبي
شوفي تمثال شوقنا هدي
هدي كل البينا ماثل
اصلي فيك وصلت حدي
سافري لاتصدينا تاني
ولي دناي قط لا تعودي
بعد ما بعت الاماني
كل مواثيقي وعهودي