اجيكم والحنين كاسحني سيلوا....

بسم الله الرحمن الرحيم
السلام عليكم ورحمه الله تعالي وبركاته
‏ اهلنا في الحسيناب حياكم الله
دعوني ارحب بنفسي اولا لاني في الحسيناب وعندما تكون في الحسيناب تطلب الترحاب لانه ترحاب مميز يشوقك !!
عشان كدي انا مستني ترحابكم
طبعا انا يمكن سجلته في منتدي الحسيناب قبل فتره لكن ما رجعته تاني نسبه لبعض الظروف وانشاء الله قريب بعملكم وجع وش في المنتدي وان طردتوني من المنتدي بجيكم ناطي بحمارتي في الحسيناب...
اها طبعا في ناس زملاء دراسه في المنتدي اليظهروا والاخ بابكر محمد خير مارحبنا طبعا..
اخيرا يسعدني ويشرفني ان اكون عضوا في منتدي الحسيناب فباركوا لي هذا الشرف...
خالص الود

أخونا علي الجابريه سلام

يازول مرحب بيك في الحسيناب ومنتداها ، بس إنت شكلك ما متابع لأنو نحن رحلنا للمنتدي الجديد (البيت الملك) وخلينا بيت الإيجار ده منذ حوالي شهر .
تعال لينا بهناك ومعاك شله من ناس الجابريه .
وبعدين نحن لاقنكم وين لامن نطردكم . وبعدين معقوله بس نطرد لينا زول من الجابريه !؟ دي مامعقوله .
نحن في إنتظارك في المنتدي الجديد (منتديات الحسيناب) فأهلا" بك وبكل ناس الجابريه.

تحياتي بلا حدود