سؤال

المنتدي خاص بالحسيناب فقط ولا كمان الككر

الاخ حذيفة التحايا لك ... مع اني لست من اهل الاختصاص ولست من الاداريين الذين بلا شك سيردوا علي سؤالك ...لكني اقول لك ان الابداع ليس له حدوداو حواجز فمرحبا بمشاركاتك ...
ولك كل التقدير

لك ودى عزيزى المجتبى بس انا خايف بكرة يطلع من الحسيناب باقان ومن الككر الطيب مصطفى ومن الحسيناب منتدى الاجراس ومن الككر منتدى الانتباه واللة قصدنا نمشى فى درب كبارنا القا لو الككر يارحمن زمان والقالو مدرسة الككر وفى النهايا ده راى للمناقشة الشفافة ودام الجميع زخرا للبلاد

افو افو يا زول ..ما تقول كدي.. بعدين انت مالك ناس الحركة طلعتهم مننا كلهم؟

بئمانة يا اخوى المجتبى انته اسم المنتدى دة رايك فيهو شنو ومعليش شايفك زعلتة خلاص يطلع لبنا باقان من الككر والطيب مصطفى من الحسيناب اها كدة كيف

وين يا اخونا محمد احمد عبدو من ديك وعيك

وين يا اخونا عمار محمد

كدا الزعل اكتر يا حذيفة....اياخوي دا كلام هظار ساكت هم كلهم ما جايبين مريسة تامزين...اما الاسم رايي فيه انو ماه قضية كبيرة اذا انت عندك الرغبة في المشاركة...
هو في زولا بيحموه موية البحر؟
نان نحن مانا بحر؟

الأخ حذيفه سلام و وئام٠

أعتقد أن الأخوان بابكر ومجتبي قد أجابا علي سؤالك المطروح ٠٠فكان ردهما شافيا"٠
وبعدين يا أخ حذيفه نحن سميناهو منتدي الحسيناب وقاصدين الككر ، أي بمعني زكرنا الجزء وأردنا الكل (البدل )٠٠٠
مرحب بيك ومرحب بكل أهلنا ناس الككر @أنا أقصد الككر الكبيري@من شارع بيتكم شمال لغاية شارع ناس عمر فضل جنوب ، بل بكل أهلنا في الشمال ٠٠

خالص الود

حزيفه الكجم ازيك يازول خش بلا استئذان اسه نحن ما قرينا فى مدرسة الككر الاساسيه مالنا ما احتجينا ......
مع الود

يا حزيفة الموضوع دا انقلو بي هناك ...

انقلو بى هناك دة ماعرفتها ياعمار ممكن توضح ؟

عليك نوووور يا بابكر محمد انا من الككر الحسيناب وانت كذلك والجميع من الككر الحسيناب خلاص نسمى منتديات الككر الحسيناب الشموخ

يعني في المنتدي الجديد يا خذيفة ...

ياسيدي العزيز حذيفه سلام

إنت يازول مالك داق جرس في إسم المنتدي ده كدي. ماقلنا ليك الإسم مافرق ياعزيزي.
إسم المنتدي سيظل (منتدي الحسيناب ) دون تغيير ٠٠٠
ولن نخضع لأي رأي مهما كان يريد أن يغير في الإسم٠٠

ما عرفتك يا الواثق واللة ما لك محدر الطاقية دى كدى زحها ورا شوووووويةعلى الككربعدين انتة جيت فى الجهىالمدرسة العريقة الككر الجمعية الككر النادى الككر زمان ناس الحلال الجنبنا كلهم يقولو ماشين طاحونة الككر وهى بتاعت جدنا ود حمدخير اللة يرحمو القصد الاسم الوضعو اجدادنا نحافظ عليهو تامل لماذ قال شاعرنا الهرم لة الرحمة والمغفرة عبد اللة محمد خير الككر يارحمن زمان ولك ودى الاسم الخترع منتديات الحسيناب والككر الشموخ وهذا راى

الاخ العزيز جدا جزيفه إبن الككر والحسيناب
لك تحياتي واشواقي الدائمه
العزيز حزيفه كدي روق المنقه واتخيل نحنا قاعدين تحت راكوبه الحاج محي الدين
ونشرب في المويه من الزير البارد داك !
اخي العزيز حزيفه الحسيناب الككر كلها منطقه واحده ثم ثانيا نحنا كلنا اهل
يعني مابتفرق اذا سمينا المنتدي الحسيناب اوغير ذلك
الاهم من ذلك نحن كابناء منطقه واحده المطلوب مننا يا اخي العزيز حزيفه ان نضع ايادينا علي بعض
لننهض بالمنطقه ثقافيا وفكريا واجتماعيا العالم يا اخي حزيفه بقي كالقريه .
لا للخلاف نعم للنتحد جميعا اذا كنت حسينابيا او ككاري او من الجابريه باقسامها الثلاثه بحري وسط قبلي
ودمت اخي حزيفه شامخا
وعلي مرافي الشموخ نلتقي