الفتنة الابنوسية

وانا قبلك ما آمنت بالحب من اول نظرة
لكن من شفتك فرهد تالاك الريد يا سمرة
ساحرني جمال عينيك وصباح الندي والخضرة
والثغر الباسم دايما في وش الناس بالفطرة
ودعتي الزمن الغابر وامنت خلاص بالفكرة
واعلنت سلامك دايم والحرب حتصبح ذكري
والناس العاشقة ترابك جواه حيرموا البذرة
لي وطنا واحد وواعد لي جوبا مزدانة وحرة
يا كستم يا ملكية انا ناوي عليك الجية
يا كونج كونج ويييي وييي وييي الالوية
بينات النخل الشامخ وبين الابنوس حنية
وبيناتن شبها راسخ البحث عن الحرية
اتدللي فينا وحاتك واتدلعي ياحورية
واتمنعي وري غلاتك والفتنة الابنوسية
لكن الوطن الواحد خليه جواك قضية
عارفاني براك بريدك بهواك وغالية علي
+++++++++++++++++++++++++++++++++++++++++++++