المنتدي

منتدي الحسيناب الشموخ

الميلاد

حاديك يا رسن القصيد يادوبو قادك وابتدا
وبسطة زراعينو الوصيد ما كان هي سنة مؤكدة
لكن مآلات الزمان قالت مصيرو يكون كدا
اصلو اليراع اصبح ضياع واضنين زمانو مسددة
والايد اذا صبحت تعوس في صاج ربيبا وسيدا
تصلاها نيران الهوان لهب المذلة بيهردا
كانت مآلات الزمان بالمية لوقام عددا
لكنو قرر يستجيب يوم جاهو في روحو الندا
يوم قالوا ارباب الشموخ حا يبدوا هذا المنتدي
احساسو بتق من جديد وامالو شافة مفرهدة
وقرر هو يستدعي النجوم الكان زمانك شهدا
وتوريكم آحلوين هو كيف شال الاماني ورددا
متمني يلقاكم دوام في وحدة واحدي موحدة
اصلا حسيناب الشموخ ما كان هي حلة محدده
كانت بيوتات من شعر مشرورة لا حد لا مدي
اجدادنا هاموا مع المديح كل زول ركيزتو مشيدا
وكان النجيفي مع الحروف رابط عقالا مقيدا
وامونة درويش الكلام في الدنيا زانا وخلدا
والقارب المنسي اللي كان قمر القوافي وسيدا
ويادار ولا عقرت ولا رهنت مصيرا علي كدا
في كل جيل راية الحروف تلقالا فارس ياخدا
وفي كل ليل يظهر نجم يسحر ذواتنا يجددا
وما فينا زولا الا يوم هبش القوافي وراودا