استضافة الموقع على الشبكة الدولية مباشرة

العم (الحسينابى الكبير ) سلامات
نشكركم على الجهد الذى قمتم به لترقية المنتدى واستضافته على الشبكة الدولية فالموضوع كما قلت غاية فى الاهمية والخصوصية . ومن هنا اضم صوتى لك ونطالب بالاسراع فى الامر حتى يرى النور فى اقرب وقت ممكن ..
الاخوان المدير العام والمدير الفنى للمنتدى هيا لبوا النداء .
ودمتم زخرا للحسيناب و منتداها الشامخ ,,,,

د. الحسينابي الكبير سلام
نحييك يا خال علي هذا التنفيذ الفوري ونقدر جهودكم ، وياها المحرية فيك والله ، وانشاءالله ستجدنا من خلفك ندفع هذه السفينة حتي ترسو علي شاطئ الامان ، وأزف البشري لكل الحسيناب بقرب مولد موقعهم ، وأقول لهم ليس عليكم خوف طالما بينكم أناس من أمثال الخال د. صديق .

ومعاك ياخال في الدربين (المنتدي والعرس الجماعي)

التحيات الطيبات

الف الف مبروك أهل الحسيناب الطيبين .
العلامه د_الصديق نشكرك جزيل الشكر علي إتخاذ هذه الخطوه الكبيره جدا _وزي ماقال عمار ياها المحريه فيك.
بعد كده ياناس أبشروا بسهوله تنزيل الصور وسرعه البحث وبي سعه تخزينيه أكبر وووو___الخ0
السيد المدير الفني أسرع ونجض لينا الشغلانه دي 0
ملاحظه:
إسم المنتدي :
أنا أقترح _منتدي الحسيناب الشموخ
دون تغيير.

نشكر للدكتور هذا الجهد المقدر وقد كان كما عهدناه هميما في الملمات ..كده الحسيناب دخلت مرحلة العالمية يا شباب..ونتوقع بعد شوية التداخل مع ناس الحلة من (النسور نت كافيه)..طبعامافي شئ بعيد..وبعداك حننقل حفلة الجماعي على اليوتيوب للعالم كله ونكون مثالا يحتذى..لكم الود

تخريمة.. معليش يا شباب ثقافتي الكروية صفر(زي سمعتي في منتداكم دا) اوع يكون لون نادي النسور ما اخضر ...ثقفونا..

[b]أول شى سمعتك فى سما الله من يومة قمتى بى رزانتك وبى تقلك يا عمه العمات وسمعه المنتدى دى حكايتا عجيبة انا كان سمعتى 1 لامن جا الحسينابى وقعد يسوى ده مالو كدى وده مالو كدى لامن كمان خربا عمار محمد احمد ووراهو كيفن ينزل سمعتى فى واطاتة الله جيت لقيتا بقت صفر يا ربى سواها هو ؟؟؟؟

لون نادى النسور كان أصفر مع الأسود فى زمنا وبعد اكلتو ما ب اعرف سووهو شنو ؟

للعم الحسينابى البدير حسب رغبتك فى تغيير اسمه اقول متل ما قالت أمى عيًنة أسع بطانى من تربا

الله فوقو ده حاج الصديق
الوليد البان فى الفريق
البسندك وانت فى الضيق
التشيل منو حقيق حقيق

الله يفرش ليه الطريق

هذا التعديل الاخير بأمر من الدكتورة عرفة

الله يديه كمان طبيق كانت العبارة الاولى وفاتت على عمتنا !!!

تكرم يا ود أخوي العزيز(العزيز دي شاملة الاثنين)
حكاية السمعة دي خربانة بس كويس انا ما قدامي علامة الزايد والناقص دي ..لانه حسادي ساكت ممكن الواحد ينزل بالسالب وعجب ممكن يزيد بالموجب براك ممكن تعملها...ممكن ناس النسور يعرفونا بالنادي بعد اكلة بابكر الشهيرة دي؟؟..ترب العينة دا ترب سمح ابقى عشرة ..بعدين شفت سماحة غناها دا؟؟

الخال العزيز د . صديق سلام من الله عليك
الاعضاء الاكارم تحيه خالصة
اولا نبارك لكل الحسيناب المولود الجديد (موقع الحسيناب علي الشبكة العالميه)
كما نشكر الخال الهميم الدكتور صديق علي هذه اللقته البارعه وكما قال الاخ عمار ياها المحريه فيك
والان المنتدي علي مشارف ان يري النور قريبا ان شاء الله
اما بخصوص اسم المنتدي انا اقترح ان يكون اسمه ( موقع منتديات الحسيناب )

و كما ترون يا شباب نحن العجايز نقوم بتنفيذ ما نقوله سواء في استضافة
الموقع أو الزواج الجماعي.

الله ينصر دينك ياحسينابي عجوز كلامك باحيل يعجب ...
ومادام عندكم زواج جماعي .. إذاً نسيب أهلنا ناس الجريف شرق ونجيكم جري ...

مرحب بناس الجريف شرق في منتدى الحسيناب الشموخ.. وليه تخلي اهلك تعال لينا بي اهلك تسعكم قلوب الحسيناب الكبيرة دوما..ونقدم ليك الدعوة للمشاركة في البوست الخاص بالزواج الجماعي بعنوان(ادينا رايك بصراحة المتزوجون لا يمتنعون)

شايف فيك فعايل والدك الكات عندو
ستار للعروض وديمة القرش بتسندو
الحصحاصة في المثل الضرس بتسندو
والأجواد غناهو وفقرو واحد عندو

لك التحية يا دخري الحوبة

كان الامام علي كرم الله تعالي وجهه يقول :
كرام الحياة أربعة :
عالم يعمل بعلمه ، وجاهل لا يستكبر أن يتعلم ، وغني لا يبخل بماله، وفقير لايبيع آخرته بدنياه .
فاذا لم يعمل العالم بعلمه ، استكبر الجاهل أن يتعلم ، واذا بخل الغني بماله باع الفقير آخرته بدنياه.