الغربة

الغربة يا خالق الوجود هردت دواخلي من النواح
هدت جسيمي بلا الطرق يابس مكسر بالجراح
منشر قليبي علي البلد مشدود علي تال الرياح
موجوع يناتق في الضلوع معدوم سماعو من الصياح
عايش مع ناسا كتر تارك هناك بلد الصلاح
ناسا عجاب عبدت حجر ما فيها صاح
غير الجمال وعيون غزال _عيشت شقي وسنين كفاح
ناسا تنوم وكت الشمس ترحل
تقوم قبل الطيور عند الصباح
"** **
ونحن من كتر السهر والألم الفينا نواح
موجوعين راجين الرجعه لو بتضمد لينا جراح
شان في حضنك يمه اتوسد وجنبك يابا انوم ارتاح
واحكي ليك مأسي الغربه وكيف دعواتكم لينا نجاح
ونمسح دمعه اترسمت فينا وتصبح بسمة ود وافراح
** ** **
بس يا يمه وليدك عاشق وكاتم سرا ماهو مباح
من سنتين مالكاني عيونه الفيها رموش مفروده جناح
يوم لاقيتها عليكم زايره خدرت رجلي ابت تنزاح
بانه مخدري فيها قوام!! مكتمله صفاتها وكلها صاح
يمه عليك الله ترعيها لامن اجيكم صاد وارتاح

ربنا يرد غربتك وترجع لبلدك سالم وغانم يارب وتلقى امك رعت ليك البانة بتاعتك واصبحت شجرة وارفة الظلال ونسوي ليفيك الحنة والجرتق في في ضلها.

تصحيح(الكتابةدي دائما تطلع غلت تقول داخلاتنها بنات الحاج بسم الله)انا قاصدة( نسوي ليك الحنة والجرتق في ضلها)

الاخ المرهف رحيمه
تعال كل البلد عنك بتسأل ونحن عارفنا
ياأخى قصيده اروع من رائعة وذى ما قال مصعب الزول ده بقى شاعر عديل يا جماعة
وربنا يجيبكم لينا سالمين غانمين وتحققوا الفى مراضكم
الشوق الغلاب