الألقاب والأسماء الحركيه في قريتنا

الساده الدهامشه سلام

لدي موضوع قد يكون طريفا بعض الشئ أود أن أطرحه عليكم ليدلي كل منكم بدلوه فيه0 وهو موضوع الألقاب والأسماء الحركيه في قريتنا (الحسيناب) ٠
وكما تعلمون سادتي أنه قد إشتهرت منطقتنا وماجاورها بإطلاق الألقاب علي بعضهم البعض ٠وهذه الألقاب تشتهر وتنتشر لدرجه أنها تطغي علي الأسماء الحقيقيه لأصحابها التي تختفي الأسماء الحقيقيه تدريجيا ويطويها النسيان٠ربما حتي من جانب أصحابها _ فقد يصبح من المستحيل الإستدلال علي شخص إذا سألت عنه بإسمه الحقيقي وما أسهل الوصول إليه إذا ذكرت لقبه٠
وغالبا لايكون القصد من هذه الألقاب الإساءه أو التقليل من شأن أصحابها ٠٠بل أحيانا مفخره للبعض٠
الغرض من هذا الطرح هو أن يحاول كل منكم أن يذكر لنا ماتيسر له من هذه الألقاب والأسماء الحقيقيه المقابله لها وأصول هذه التسميات والألقاب إذا تيسر هذا٠
حتي نرتكز علي قاعدة مهمه يمكن الإستفاده منها عند الحاجه٠
شكرا جزيلا

الساده أهل العز والشموخ سلام

قد تواجهنا بعض إشكالات أحيانا في حياتنا اليوميه جراء هذه الألقاب أو الأسماء الحركيه٠ فقد حدثت لي واحده من هذه الإشكالات٠
وهي عندما كان أخي بشار طالبا بجامعة الخرطوم_ كلية العلوم الرياضيه والحاسوب _ كنت أقوم بزيارته بصوره شبه مستمره حتي أنني تعرفت علي بعض زملائه بالأسماء فلهم مني التحايا العطره٠
وفي مره من المرات أتيته زائرا"ولكني لم أجده وبحثت عنه ولكن خاب مسعاي فلم أجده ولم أجد أحدا"من زملائه ليدلني عليه٠
وعندما كنت أهم بالمغادره صادفني أحد الطلاب وبعد التعرف عليه ذكر لي أنه من طلاب السنه الرابعه ، نفس السنه التي يدرس بها عمار ٠
فقمت بسؤاله (بتعرف واحد إسمو عمار محمد أحمد) فأجابني لا لا أعرفه٠
وقام هو بسؤالي (زولك ده بيقرأ في سنه كم ؟) فأجبته بالسنه الرابعه ، فقال لي أنا أدرس بالسنه الرابعه ولكن لايوجد لدينا طالب إسمه عمار محمد أحمد٠
فجأة تذكرت بأن الإسم الحقيقي لعمار هو بشار ٠ فقمت بسؤاله مره أخري (طيب تعرف بشار محمد أحمد) فأجابني كيف يااااخ ده ما صاحبي ، وقام بإرشادي إلي مكانه (الزول ده قاعد فوق في لاب الكمبيوتر) ٠
فذهبت إلي هناك ووجدته ورويت له القصه ٠
فقال لي إسم عمار ده هنا مابيعرفوهو٠
ونلتقي

هاكم بعض الألقاب والأسماء الحقيقيه المقابله لها 0

‏@الحسينابي:
‏ عبدالرحمن عبدالباقي٠
‏@النجيفي:
عبدالله محمد خير
‏@الدرويش:
محمد عبدالباقي حسين٠
‏@سالكه :
إبراهيم أحمد عبده٠

واصلو٠٠٠٠٠٠٠٠
خالص الود

مصعب وبابكر سلام
الاخ بابكر صدقت في كلامك نحن لسة مابنعرفك كويس ، ويمكن الحتة دي اسهم فيها اسهام كبير الجري ورا المعايش والغربة والاغتراب
أنا شخصيا لا اذكر اني رأيتك من قبل وذلك لما تعلم ان الوالد كان من المغتربين الأوائل الي مشروع الجزيرة حيث نشأت وترعرعت
وهسي الناس بقت ياااا الله تتلاقي في المناسبات ، عشان كدة قلنا يمكن المنتدي دا يكون حلقة وصل بين الناس وبالذات مع المغتربين برة السودان .

مصعب معليش ان بقيت عفصت ليك خدارك ، اصلي جايي زاكي بابكر

اشواقي الحارة والدافئةف

الجاك : ناجي صالح , الناير : محمد احمد حسين , عشرة : محمد حسين حاج كسل : عبدالباقى محمد عبدالباقى , الخبير : احمد عبدالله , لونقا : محمد احمد سعيد , الختيار : علي محمد احمد , حاج نعش : عبدالسلام محمد احمد , كندر : نصرالدين ابراهيم , وغيرهم كثر

الأخ بابكر سلام

نحن كنا دايرين نساعلك عشان نعرف ألقابك دي زاتو وتفاصيل حياتك وحاجات تانيه حامياني٠
بس شكلك كدي عملت زوغبير٠٠
وختيت ليك شروط صعبه شديد زي ماقال عمار أحسن شروط أبو الحاج٠

من الألقاب التي أطلقت عليك (شكينيبه) واللقب ده جبتو من حته في المنتدي ده٠

وأخيرا

تشكر ياسيدي علي المرور والمشاركه٠
الشوق المضارع

عمار سلام

مشكووور علي المرور ، يازول عفص ساي ولايهمك ، البلد بلدك٠!٠٠


الأخ مهدي سلام ووئام

تشكر ياسيدي علي الإضافه٠

هل من مزيد؟؟

الشوق للبلد

يا مهدي شكلك نسيت دهنون : محمد فضل صباحي

ما تزعل يا بابكر لينا يوم...كدى عليك الله اعرفو لي الالقاب دي علي زمنا
1\كحيلة
2\قدر الله
3\جوز السمبر

بعد السلام كحيله دة محمد عبدالرحيم لكن الباقين ماعرفتهم

السلام علي عمتنا

مشكوره كتير علي المرور والإضافه ٠
بس ياريت لو زكرت لينا الأسماء الحقيقيه المطابقه لكل من <قدر الله> و <جوز السمبر>٠
لأنو بصراحه كدي غلبتنا وماعرفنا أصحاب الألقاب ديل منن٠

كل الإحترام

سلامات عدد ما فى السما نجمات الاخ مصعب كيفن حالك والخرتو(اقصد الهند) .
من الالقاب الحسينابيه
ملح وليد /عبد الرحمن عباس
طه حسين /باسل الصادق
ثلج /حسين شيخ الدين
هنرى وبدوى ديل يعرفهم هبو احميد
خمجان او ود احمد الاستاذ محمد عبد الرحمن يس(تخريمه: متكلم)

ابن خالي العزيز مهند بشري سلامات
مهند بشري سستم
يسري محمد نور ود الخاله
واثق الصادق بدوي
مهدي الكامل هنري
اخوي بدوي واخوي هنري ودالخال مهند السعاده كلها هيلوا

عمتنا كتب:ما تزعل يا بابكر لينا يوم...كدى عليك الله اعرفو لي الالقاب دي علي زمنا
1\كحيلة
2\قدر الله
3\جوز السمبر

كحيلة قالوه هو محمد عبد الرحيم

قدر الله بنلقاهو بس مو هسع

جوز السمبر ده غايتو لى بنوت طوال

وشان ما ألخبت ما بجيب البت التانى لكن يبقالى انت يا عمه واحدى فى الاتنين والتانى ب وألف وباء وك وراء

دى نكتة قديمة من زمن الثمانينيات كنت فى الخرطوم وجابو سيرة المبروك الطاهر انا قلت فوقو كلام ماهو سمح

عمنا حسبو عبدالرحيم طه نزل البلد وقال للمبروك فى زول فى الخرطوم نضم فوقك نضم كعب قدر ما حنسو شان يوريه الزول منو قالو حسبو الزول ده محلفنى ومخسمنى ما أكلمك قالو المبروك بس ادنى الحرف الاول من اسمو

قالو حسبو

اول حرف
ب وألف وب وك وراء !!!!!!