صورة من لحسيناب

الخضره والماء والوجه الحسن اشياء تدخل السرور الي القلب
فها هي الخضرة ولو مشيت خطوتين لاتحت تلقي المويه قدامك وخطوتين لافوق تلقي الوجه الحسن
هذه الصوره ملتقطه من ساقه عمر كما ظن الاخ عمار

ولكم فائق ودي

والله يا اشرف كلامك في محلو انا زاتي لمن اشوفه اقرب اكسر شاشه الكمبيوتر
تخريمه: الناس المعاك في الصوره ديل ماعرفناهن نرجو التوضيح لو امكن

ولك فائق ودي

الاخ اشرف سلامات والله ذي ماقلت الصوره بتاعت عمر جميله
وكمان كل ما اشوفه امد يدي تطعني شوكي .ربنا يديم الخير للبلد
والي الامام ان شاء الله

السلام عليكم شباب_عمار _أشرف_عمر_أحمد كيف أخباركم وأحوالكم .شنو ياشباب الصوره بتاعت الرطب دي جرستكن كدي.
شايف الناس الsalivaبتاعتن سالت
الصوره دي طبعا ملتقطه بكاميرا الأخ واثق في البلد وتحديدا في بيت ناس واثق
والسبيطه الشايفنها دي من (قنديلة)خالي الصادق الفي ساقة عبدالله ودعمر.
وتم التقاطها السنه الفاتت دي شهر تسعه
لكن بيني وبينكم الصوره دي تخلي الزول يناتق تب للرجعه للبيت القديم.ختاما لكم خالص ودي
‏ ‏ مصعب

السلام عليكم يا شباب أحمد وعمر ومصعب ، كيف أخباركم وان شاء الله بخير ، وشكراً علي هذا المجهود الطيب، وزادكم الله شموخاً ورفعة، وربنا يوفقكم في غربتكم وتذكروا دوماً أن البلد محتاجة ليكم، غيبوا وتعالوا ومدوا ايديكم.
وبالتوفيق للجميع
يا أخي عمر معي في الصورة ابني محمد وعمره الان ستة شهور ونصف، نقف بجانب سائق معدية أمنتقو في آخر زيارة في فبراير الماضي.
لكم جميعاً تحياتي...

صورة حقيقة بتنسيك حر الخرطوم والقحط العايشين فيهو ده..سبحان الله
والحمد لله انو البلد لسة بى خيرها
انا اخر مرة شفت منظر زى ده فى البلد يجى قبال اكتر من 10 سنوات والله

سلام اهلي الزينين
ما اجمل واروع هذا المنظر
كما قال خالنا محمد عبدالباقي حسين
ساعة العصاري الضل يمد فوق الجروف يكسي التبيسات الطرح
والقيم ينقط من خدوده علي الصفيقات السبح
وعين الشمس تنزل خجيلاني وتكوع بين شجيرات البلح
وامونة تمسح من عويناتها وتلون قوس قزح
عزرا ان كانت الابيات غير مرتبه
حقيقة الصورة جميلة جدا ولكن الصوزة التي رسمها لنا الخال محمد عبدالباقي في هذه الابيات اروع واجمل

يا عمار كتر من الصور خلنا الننزل التحتانية اصلوا الشوق كتلنا كتل

لكم كل الاحترام
عبدالرحيم محمدنور

سلامات الإخوة جميعآ ويبدو انكن كلكن مشتاقين للبلد والبلد ياحليلا ماعاد فيها تلك المناظر التي ترد الروح واسأل عمر اين الخضرة والماء والوجه الحسن أما الخضرة ففي بلدنا لاتتعدي مترتين او تلاته ونجد اعظم أهلها من خارج الحسيناب كما في ساقية عوض الكريم وساقية يس وعبدالله ود عمر مع الانو الاسم حسينابي لكن كل الناس الماسكينها من دبني صابر عبدالله ومن الجابرية بابكر المهدي وغيرهم وفي ساقية شارتقيلا نجد الحاج محي الدين كما تظهر الصورة أعلاه التي زعمتم انها من ساقية عمر وهي براء من ساقية عمر التي ليس بها هذا المنظر منظر البرسيم وساقية عمر في هذه الزيارة التي ذهبنا اليها وهي زواج الأخ فتاح محمد عوض في شهر ابريل من العام الماضي فكانت بها بعض الزراعات الشتوية من الأسود والبصل وبقايا الطماطم اما هذه الصورة اعلاه فمن ساقية شارتقيلا مترة الحاج محي الدين وأما الماء فقد تدمر المشروع حقنا واصبح اطلالا والبحر فحدث ولاحرج كأنه حزين لهذا الواقع المزري فأصبح جافا حتي الجرف اصبح لايصل اليه ونوجه اليه سؤال ايليا يانهر هل نضبت مياهك فانقطعت عن الخرير ام هل قد هرمت وخار عزمك فانثنيت عن المسير وهل تذكر الأخ احمد ومصعب وعبدالرحيم وغيرهم ممن رحلو من البلد متأخرين كيف كان المشروع التحت وفتحو حاج سعيد عندما تسرقو حلتو وتعملو فيها البليلة والقرع وخيرات الجروف من بطيخ وعجور ولوبا اخضر وسبروق والويكة ام دود والبار وماادراك مالبار والله البار لو داير تعوم الا تعوم في لبن العشر أتذكرون أم لا اما الان فحدث ولا حرج

وينا بلدنا تقولو وصلت !!؟
يا سفار لحظات النركب.
ولا أقولك روح اتوكل داك صهريج الحله مقبقب
هذه الأبيات من قصيده لأخونا أشرف الصادق رحمة الله عليه
عندما هم بمغادرة البندر بعد أن وضع قلمه مكملا"إمتحانات الشهاده السودانية في أبريل من عام 2002
متوجها صوب البلد
ولكنه تاه فلم يعرف ملامح الحسيناب من شده الدمار الذي أصابها
فأنشد السفار قالو لي وصلت قوم ياصاح اتوكل أنزل)
فما كان منه إلا أن أسرع مهرولا" ليعانق بلده في تحنان ويتنفس هوائها الطبيعي بعد أن أزكم أنفه هواء المدينه الملوث.
ولكنه للأسف لم يتعرف علي الحسيناب وبعد أن تلفت يمنة ويسره فلم يتبين من معالم قريته شئ ،ظن أنه قد خدع
فأنشد وينها بلدنا تقولو وصلت _ياسفار لحظات النركب)
ولكنه قبل أن يبدأ بالهروله تجاه البص لمواصله المسير حانت منه إلتفاته إلي معلم ما من معالم الحله (الصهريج) دعته يعدل عن مواصلة المسير
‏(ولا أقولك روح إتوكل داك صهريج الحله مقبقب)
وبعد أن أخذ قسطا"من الراحه ،كان به شوق عظيم لحضور مران في كره القدم أو شوطا من الكره الطائره في نادي الحله فما كان منه إلا أن توجه إلي النادي ولكنه للأسف حظي بصدمه مره أخري
فأنشدحتي النادي الكان بينادي الناس من بره وبابو مكهرب.
عدم الناس وهواة الكوره والسكتير أعياهو المنصب)
فحانت منه إلتفاته ل قوز محجوب حيث كنا نتسامر نحن الشباب في هذا المكان فلم يجد أحد من رفاق الدرب ليزيل عنه كآبه البندر
فأنشدقوز محجوب سكنو الجربوع وكلاب السيجه قهاوي العقرب)
وتسائل :
وين سخوري وينها مترتو وين شتلاتو إندفنن طب)
‏(سخوري ده جدنا الطاهر مصطفي)
‏(وحاجه السره مع نعجاتها وصوت دعواتها تناجي الرب)
ولكنها كانت أسئله دون إجابات تشفي الغليل وترضي الخاطر .
فترآني متفقا"معك الأخ مهدي في أن الحال قد تغير ولكنه إلي الأسوأ
فالحسيناب ماعادت هي الحسيناب القديمه حسيناب التسعينات دعك من حسيناب ناس بابكر محمد خير وحسين أحمد حسين.
‏ خالص الشكر
‏ ‏ مصعب الحسينابي

الأخوةالكرام
قولوا بسم الله، وألعنوا الشيطان
بعدين اليأس والكآبة الاتسربت فيكم دي شنو
طيب الشيوخ يقولوا شنو
وهل يأبق الانسان من ملك ربه فيخرج من أرض له وسماء

بلدنا ياها بلدنا كان عمرت ولا خربت وعمارا وخرابا بي يدنا، (وشليلنا أرضنا يا جنيات)وراجيانا نكوسا.
والأهم من جمال المناظر، جمال أهلي وسماح أهلي وديل أهلي وانتو أهلي
وما حب الديار ملكن قلبي ولكن حب من سكن الديارا[url=DSC03558]DSC03558[/url]

السلام عليكم ورحمة الله وبركاته
اليوم 9 مارس 2010م كان زواج ناجي محجوب محمد أحمد الشيخ

وبدل الكوشة عملوا كشيقة

الأخ أشرف سلام عليك كدة مافي زول مغالطكم في طيبة الأهل وحنيتن وبالرغم من إنو البلد انتهت ولكن برضو الشوق والحنين للبلد موجود ولكن ان تتحدثو في خضرة وماء في الحسيناب دا ماموجود الا في مترات معينة وكما ذكرتها اعلاه ومعظمن مامن الحسيناب اما باقي البلد فراس ماله عود كبريت والله البحر ذاتو انتهي خليك من المشاريع واتحدي اي زول يقول يصل البحر بي قصاد الجروف نسبة لانسداد الجروف بي الشوك والطرفي والعشر والطلح والسنط والحلفا والباسكيت والكلام دا في المترات فوق كلها سدت غابات طلح وسنط وباسكيت وغيره فلا يوجد ماء ولاخضرة في الحسيناب الصورة ماتغشكم

الأخوة الأعزاء كان بالأمس زواج ابننا ناجي محجوب في دارهم في ابوادم وبعده في الصالة الدولية في معرض الخرطوم الدولي وكان زواجا رائعا واكثر ماعجبني فيها الكوشة ويااشرف شايفك تصور ياريت لو نزلت لينا بعض الصور وياعمر فقدناك امبارح

الف مبروك للاخ الباشمهندس ناجي وانشاء الله بيت مال وعيات وانشاء الله العقبه للباقين
وانشاء الله يامهدي الكوشه العجبتك دي نلقاك فيها قريب

لن يغير الله قوما حتي يغيروا ما بانفسهم

الحسيناب محتاجة لناس تشيل بعض همهم يكون واحد محتاجه لقلوب نضيفه ما فيها حسد محتاجه قلوب طيبة
الحسيناب دايره ناس يتزكروها ذي ما يتزكروا اولادهم
دايره منجل سنين وفاس وواسوق وطورية دايره نفير يزل عنها وش البؤوس العايشة فيه دا
دايره تكاتف عشان الواحد لما يجي يتكلم عن الحسيناب يتكلم بخشم مليان
عندنا في مدينة إرود منتدي يقام كل يوم سبت ومن ضمن محتوياته يقوم شخص يتحدث عن منطقته بالتفصيل
فيوم كانت علي الفرصه عشان اتحدث عن الحسيناب طبعا كل الشباب في الايام القبلي اتكلوا عن قراهم المن الجزيرة وكردفان ودارفور والنيل الابيض وكسلا ونهر النيل والبحر الاحمر القالوا الكهربا عندهم دخلت في الستينات والسبعينات والتمنينات والقالوا في التسعينات والاتحدث عن وسائل الاتصالات والانترنت وغيرها وتحدثوا عن زراعتهم وانتاجهم وتجارتهم وتجارهم
وقراهم فيها كذا مدرسه اساس وثانوي وكذا مراكز صحية وبعضها مستشفيات وبعضها بها جامعات
فانا قلت ليهم انا من قرية الحسيناب محافظة الدبه في الولاية الشمالية الكهرباء جاتنا سنة ٢٠٠٦ فهمس بعضهم في اذن من بجواره،وما عندنا لا مركز صحي والا صيدلية ولا مدرسه ثانوية لا انترنت وشبكتنا الا تطلعلها في الحيطه وعندنا مدرسة اساس مختلطه وجامع بس
فسألني احدهم عن المحاصيل فقلت كنا نحصد التمر بمئات الشوالات والان كل الحسيناب حصادها لا يتعدي المية شوال واستحيت ان اذكر انتاج القمح والفول لان احدهم ذكر وهو يتحدث عن قريته ان مزرعة والده تنتج اكثر من ٢٠٠شوال قمح في الموسم الواحد
فصدقني بعضهم وكذبني اكثرهم بحكم الولاية الشمالية
يا حسينابنا راااااااااجعلك

الاخوه الاعزاء سلام من الله عليكم ورحمة الله وبركاته
واقع الحال في الحسيناب يا اخوتي محزن جدا جدا
ولكن هل وقفنا لنسأل انفسنا ما هي الاسباب؟
وهل ممكن ان تكون الحسيناب افضل مما كانت في السابق؟
بكل تاكيد نعم ممكن ان تكون افضل مما كانت في السابق
اما الاسباب كثيره واولها هجرة اهلنا من الحسيناب الي الخرطوم
اذا حسبنا الاسر الي هاجرت من الحسيناب في العشره سنوات الاخيره
لوجدناها اكثر من خمسة عشر اسره (طيب الباقي في الحسيناب منو؟
العم بابكر كنت في زياره قبل اسبوع في منطقة اسمها عشيرة شمال الطائف
مع احد اصدقاي تفاجأت عندما عرفني باقربائه تخيل اكثر من
خمسين نفر من منطقه واحده وفي منطقه واحده فما بالك كل الحسيناب الخارج ارض السودان لا يتعدوا اصابع اليد
وفي الخير اتمني من الله ان يوفق الجميع لرفع شعار الحسيناب ثم الحسيناب ثم الحسيناب
(تعريجه)حا يجي زمن شغلك يكون في الخرطوم
وبيتك واولادك في الحسيناب لكن الكلام ده بعد توحيد الاسعار في جميع انحاء السودان
وربنا يسهله

هذه الصورة من قلب ساقة عمر والمصور كان يتجه ناحية الغرب على الحله يعنى ولو مال يمينه قليلا لظهرت حفرة الوابور وهذه الخضرة منظر طبيعي وموجود بكثرة في المنطقة وهذا بالضبط برسيم محمد الضو واجزم تماما انها في فصل الجفاف وأوعدكم بكميلت من الصور تثبت خضرة المنطقة ونضارتها وجمالها - ماتشيلو هم بلدكم مخدرة وحارسنها رجال ضراعن أخدر

جنابو واثق سلامات
كلنا غيورين علي بلدنا
بس الحال الصبحت فيه البلد ماهو حال بلدنا
صاح البلد حارسنها ناس ضرعاتن خدر ما قلنا شئ بس كمان الضرعات الخدر في اللاويها
لاويها جالون الجاز من الانققققققق خنقته
لو كان في ايدن ملك الكون كان لموا عبير الزهر الفاح
كان عدموا نفس الزول العاش في صدر الليل داير يرتاح
كان حجبوا الغيم في واطاتو كان أ مسكين باعوا الارواح
:::
نحصد يلموا العيش يدونا ورتابا٠
امونة دارك وين طشينا من بابا٠
٠
تحية فيها عطف وحنية والباقي خلي بالنيه
عبدالرحيم محمدنور

سلام الأخوان جميعآ الصورة موضوع الجدل أعلاه أخذت في العام الماضي من ساقية شارتقلا مزرعة الحاج محي الدين وأخذت أثناء زيارتنا للبلد في زواج الأخ فتاح محمد عوض وساقية عمر في ذلك الزمن والصور موجودة لم يكن بها برسيم وانما مزروعة أسود وطماطم فقط وانت زاتك ياواثق مامتذكر يوم باسل قال فازعنا قال تنفضو الغبار من فوق الأسود بالجريد متذكر ولا لا ؟ وبرضو محمد الضو زارع اسود وطماطم والبلد مافضل فيها زول عشان يحرسه وقدر الفيها مامهتمين بيها وياعبدالرحيم ناس البلد لاوين يدهن براهن مافي زول لاويها ليهم والدليل باقي المترات الفي نص الحسيناب دي زي عوض الكريم ويس وعبدالله ودعمر ديل بيدوهن جاز مجان ولا بيزرعو يشيلو الورتابة ويدوهن العيش فما بالنا كما قال الشاعر نعيب زماننا والعيب فينا ومالزماننا عيب سوانا * ونهجو ذا الزمان بغير ذنب ولو نطق الزمان لنا هجانا * ولكم التحية والأحترام

انت حصلت وديت الولد بلاد ناوة وامنتقو؟ بالله اعمل لينا حسابك على الوليد دا