بعد غياب

بعد غياب عن الكلمات
اعود الليلة واكتب لك
سطور متواضعة ين ايديك
انا الما كنت بتصور
تقيف ا لدنيا يوم تعصيك
ومين يوم البفكر كان
يشاركك انت ليل احزان
حزين حروفي بي حزنك
ومن اعماقي بكتب ليك
زي عهودك داير اشوفك
ما تهزك يوم ظنون
بي شجاعتك وابتسامتك
كل مشوارليك يهون
بالطموح العارفو عندك
وبالامل تبدي ا لعيون
داير الاحزان تفارقك
انت اسمي من الظنون
تفرحي الناس بي كلامك
ولينا حزنك كيف يهون
بكتب الكلمات اجاملك
ولي
وفاك حتما اصون
رغم انو الشعر
غيرك عندي كان
في طور سكون
الزمان عشتو قربك
بالمودة المالية دربك
تلهم الاشعار فنون
كل يوم اكتب وافكر
عارف الكلمات ضعيفة
عاجزة لا يمكن تعبر
بس توضح ليك مشاعر
ياخضم بالطيبة زاخرة
منبعوالقلب الحنون
ما كتبت عشان افاخر
ولا عشان ما يقولوا شاعر
بس لانك انت غالية
وعندي غالية
مهما يحصل وما يكون

مشكورة الاخت الاء
ومنتظرين المزيد من ابداعات الخال والعم عبد العظيم محمد سيد احمد