تكساس

فتحت قمت صغير اسمع حكاوى الناس
اسجل الكلمات واطبع شريط فى الراس
سمعت بت العم جايه قاصده الميس
معاها عمى الشيخ ود خال لود عباس
اديتو من اخبار ماكت لى خبر فراز
وبقيت راجى النم وابوى جاب الفاس
عمى قال لى نقوم قمنا وركبنا الباص
ظنيتو الله اراد نتلم هناك فى الساس
الا الطريق عقاب والسكه ما لا اساس
ورجعت لى لعبى لى الونسه وسط الناس
لى لمه الاحباب وكت الشمس تنداس
وكبرت مع الايام وكبرت معاى احداث
حسن يريد الهام ومعاذ يريد اخلاص
وان ياخ معزب بيك طولت ليه يا قاس
وقلبى شلتومعاك وهدايا من الماس
تسمع تشوف وتقول دا كلام قصص تكساس
شفع صغار تايهين وانا يعنى واعى خلاص
اتارى القدر بيقول دورك قرب يا اس
عشان تعرف الريد وبعدين تعزر الناس
فى يوم ملان بالغيم معبا السحاب مقياس
جابت كبابى الشاى دخلت تصب فى الكاس
اه يمه كان شفتى ملكه جمال اخاذ
حتى البنات يحكن ست الحسن نبراس
جافانى يمه النوم سهران ومافى نعاس
شكيت للعاشقين للحكماء والقساس
دلونى للعراف قت لى اقرا كف الاس
نزلت دموعو تصب وبى صوت حزين جلجاس
قال لى قدر مكتوب قلبك يدق اجراس
اصبر على الجاييك وابعد من الوسواس
زادت على هموم واصوات طبول ونحاس
قت يا ولد اتلم ما يقولوا ود حساس
قفل دروب الريد وكون لى هواك دساس
بقيت اسوى طناش حاكيت اب فراس
لا نظره لا لميح ومرت على اخماس
لكنى يمه وقع فى الريد بقيت قطاس
دى السمحه بت العم ختت جواى امواس
والخبر الزمان يمه تاريهو سوا ابراس
سكنتو فى قلبى وبقى يجرى الاحساس
وعرفت معنى الريد يمه وعزرت معاذ
وعرفت معنى الريد يمه وعزرت معاذ

الاخ خالد عابدين سلامات كميات٠
إن شاء الله الامور مستوفيه
تكساس مطبوعه في الراس من زمن طفاشة واثق و يسري انت الناس ديل قاتسين وين ماهن ظاهرين تب ان شاءالله قعد يربوا بتكساس لسه ولحقنا الجديد
الشوق شوالات جسر

الاخ العزيز خالد عابدين سلامات
كلمات جميلة تحكي عن زمن جميل
وياريت تنزل لينا باقي القصائد
(فتحت قمت صغير اسمع حكاوى الناس
اسجل الكلمات واطبع شريط فى الراس)
ولك آلاف التحايا

الاخ الاستاذ رفيق الدرب خالد
لك من التحايا اجزلها
قصيدتك دي ما حا انساها ابدا لاني حاضر ميلادها وعارف كل تفاصيلها ومناسبتها .
اشك في انك انت من شارك بهذه البكر رغم انها تحت اسمك وذلك لانها لم تاتي كما ولدت ، فمثلا "معاهو عمي الشيخ" كانت "معاها مرة الشيخ"
وايضا "وبقيت راجي النم" اصلا هي "وبقيت راجي اللم"
حيث لم اعهدك تأتي بمثل هذه الاخطاء ولا تعديلات وايضا القصيدة عندما ولدت فقد اسميتها "نبراس" والان اراك قد منحتها اسم "تكساس" (ماعزمتنا للسماية)

كل الود