ودينى من بدرى

ادعوك يا ربي في سري في جهري
ارجعني لي ماواي هون علي امري
_*
موجوعين راجين الرجعة لو بتضمد لينا جراح
شان في حضنك يمة اتوسد وجنبك يابة انوم ارتاح
واحكي ليك مأسي الغربه وكيف دعواتك لينا نجاح
ونمسح دمعة اترسمت فينا وتصبح بسمة ود وأفراح

لامن قريت القصيدة اتذكرت الشريط الكنت مسجلوا يا استاذ وانت فى الغربة تتذكرو,كنا نفتح المسجل ونسمع صوتك الحنين وتانى بكرة نسمعوا التقول ما سمعناه البارح ,فلك الاحترام والتقدير استاذنا بابكر.

الأخ بابكر سلام
والله إبداع مافي ذلك شك.
والله يابابكر القصيده دي فيها سماحه لحن _ بس دايرها ود النصري.
ولدي سؤال:
لماذا لايتعامل بابكر محمد خير(حفيد النجيفي) مع فناني الطمبور؟؟
كل الإحترام

عمنا و استاذنا بابكر محمدخير سلامات
ذي ما قال إيهاب كنا نسمع الشريط المسجلو في اليوم اكتر من مره فلك طريقة خاصه وجذابه في الإلقاء
اتزكر من قصايدك زينوبه (مشتاق للبلد صادقه ونقره )
وحسن الطليح(لا متين يا حسن الطليح تستقر وتصبح فنجري كل كم اشهر ليك كفيل يوم هويشل ويوم دوسري)
ولا انسي اني حفظت ابيات خالنا محمد عبدالباقي حسين (الدرويش)منك وما احلي الوقت معه كما ذكرت
ساعة العصاري الضل يمد فوق الجروف يكسي التبيسات بالطرح
وعين الشمس تنزل خجيلاني وتكوع بين شجيرات البلح
والغيم ينقط من خدودو علي الصفيقات السبح
وأمونة تمسح من عويناتها وتلون قوس قزح
حقيقة ما اروع الوقت مع الدرويش فهذه لوحه لفنان بارع
وكما وعدتنا فنحن متلهفون لسماع ما يكتبه بابكر محمد خير
الود لك
عبدالرحيم محمدنور