المواضيع الأخيرة
المتواجدون الآن ؟
ككل هناك 1 عُضو حالياً في هذا المنتدى :: 0 عضو مُسجل, 0 عُضو مُختفي و 1 زائر لا أحد
أكبر عدد للأعضاء المتواجدين في هذا المنتدى في نفس الوقت كان 29 بتاريخ الجمعة أبريل 28, 2023 9:33 am
الاف الدعا ء بالشفاء العاجل لمدير مدرسة الككر العريقة
الإثنين يوليو 26, 2010 5:57 pm من طرف حزيفة حاج الكجم
تعاليق: 4
بسم الله الرحمن الرحيم: "وبشر الصابرين الذين إذا أصابتهم مصيبة قالوا إنَّا لله وإنَّا إليه راجعون"
الأحد يوليو 25, 2010 8:36 pm من طرف Hussein -abul-Haj
تعاليق: 7
بحـث
ازرار التصفُّح
البوابةالصفحة الرئيسية
مكتبة القرآن الكريم
قائمة الاعضاء
البيانات الشخصية
س .و .ج
ابحـث
يمه صباح الرضاء آيمه
4 مشترك
صفحة 1 من اصل 1
يمه صباح الرضاء آيمه
من طرف Omer M.Ahmed السبت أبريل 03, 2010 12:32 am
قصيده للشاعر مجتبي الصادق
يمه صباح الرضاء آيمه وبيك صباح العفو يايابا
كيف الحال والناس في الحله الاطفال والشيب وشبابا
الساجور اتفكه اريتو الصهريج مويه الله سخابا
والمشروع ماسرلنا مسره ولا انشره شرايه التابا
وزولنا ابدقن اتحرك خطوه ولا مكدب في العزابه
يا استاذ يا اخوي ماتركز شيل الشيله واتهنابا
نحن وحاتك اشوق منك لي يوم تركز وتصبح يابا
عين الزول خوافه تحزر والضرعات العافيه تسابا
يابا الساقيه خلاص دار تسقي والتيران اتربطت دابا
والقادوس الكلو اماني بكره تخدر منو سرابا
شن الباكر غير الضحكه وبسمه شفع ومابنتغابا
العرفه وحاتك في ماضينا اللسه عليهو الروح تتشابا
يمه يمه عليك الخير يايمه لسه حجوتك نتغنابا
يوم الجمعه الفاتت شايفك في الاحلام شايلاك سحابه
بينات ناسا مابعدو بينك وبينن مافي قرابه
وانت بتمسحي بي ايدينك عينك تدمع وماحاسابه
فرحك باين في عينيك وشك نور ومافي كآبه
خير في خير انشاء الله آيمه ومضه باكر ربنا جابه
بكره بشيلك وانا بتبختر تمشي الكعبه وتمسكي بابه
وياتو ظروف في الدنيا دي تقدر فرحه ام تحرمني ثوابا
بس يايمه هناك في الكعبه منك دعوة الدين وصابا
داير منك برضو هديه اي هديه انا برضابا
ولا اقولك انا نطيت اي هديه انا مابرضابا
داير حضنك عشره ثواني بستاذنلك من الشفع
الحاميننا ماندلع كترو علينا كترة التابا
ماشاء الله والله يذيدن يبقوا عصابه
يمه اضانك عندنا سر سر بيناتنا مايتسابا
يوم الحفله الكان في النادي
جاتكم بت في الكيم بيغادي ايدا محننه فيها كتابه
قلبك ماقاليك عليها او كدي ساكت ماحسابا
ما لاحظتي سلامه حنين مااتفرزتي وشفتي شبابا
دايره تجيكم وانا متحير بين اصراره وبين ناس يابا
امشي معاها عليكم لالا بكره يقولو فلان دا الجابه
نحن المنكر عندنا عادي المعروف الفيهو غرابه
ممكن تعرف ميه واحده بس جم اهلك ماتتشابا
وماتتشالق تكشف حالك في نص خمشك خت سبابه
واسكت ساكت وهس ياريدناوهس ياشوقنا
منحي منحي ياربابه وطمبري طمبري ياطمباره
وكضبوا كضبوا ياكضابه
ومصرو ضرع الحب والريدةه اصلو بقرة الريد حلابه
افتحوا شنطة شاعر فاشل تلقوا سنين الهم جيابه
تلقوا سؤال جواها محير اصلا مابتلقولوا اي اجابه
شيلو وبيعو ولاتهتمو واملوا جيوبكم انتو غلابه
وخلوا الساحق بس والماحق لي المجنون الجنو كتابه
عفوا يمه سرحت ورحت انا قتليك مبتقي دابه
اي والله وكلها عفه وقلبها عامر وكلو رحابه
شايل ناسا وزول احساسه قطر الفلهمه مامرابا
داير شورتك يمه وقولتك قولت الخبره المابتتابا
لاداير اكبر لااتحضر داير شورتك بس وبرضابا
يمه عليك الله يايمه انا محتار وموهدب ضمه
قاصد كنت معاك اتونس احكي البي معاك وانجما
قام النضم انشرا براهو خشم السجم المابتصما
الا وحات الخالق وشايف بي قدسمع تبارك وعم
انا من فتك وقمت رحلت شفتي السجم المابتسما
شفت الطالح قلب الصالح والبطال استوطن وعما
واي مريكب جربناها ربانيها مزهلل ورمه
عاد شن همنا غير نتوكل بي دعواتك نمشي آيمه
وفي شان خاطرك لازم نوصل والله يتم الما بنتما
عدل سابقا من قبل Omer M.Ahmed في الخميس أبريل 08, 2010 1:35 am عدل 1 مرات
Omer M.Ahmed- شامخ متميز
- عدد المساهمات : 51
تاريخ التسجيل : 12/02/2010
العمر : 42
الموقع : السعوديه - الطايف
رد: يمه صباح الرضاء آيمه
من طرف بابكرمحمدخير الأحد أبريل 04, 2010 10:40 pm
[size=24]يوم الجمعه الفاتت شايفك في الاحلام شايلاك سحابه
اولا انا قمت غيرت كلمة يا عمر فى الابيات الاخيرة وأكيد مجتبى ما كتبها كدا انت اللخبت الحكاية دى يا عمر ما ممكن ينتم المابنتما ولكن ينتم الما إنتما أمشوا نضفو الجدول الفى ساقة عمر الاول أمبارح ما أنتم داك او الماتميتو داك سمح قول سمح
شكرا مجتبى يا قمة.
اولا انا قمت غيرت كلمة يا عمر فى الابيات الاخيرة وأكيد مجتبى ما كتبها كدا انت اللخبت الحكاية دى يا عمر ما ممكن ينتم المابنتما ولكن ينتم الما إنتما أمشوا نضفو الجدول الفى ساقة عمر الاول أمبارح ما أنتم داك او الماتميتو داك سمح قول سمح
شكرا مجتبى يا قمة.
بابكرمحمدخير- مراقب
- عدد المساهمات : 161
تاريخ التسجيل : 09/02/2010
الموقع : السعودية الرياض
رد: يمه صباح الرضاء آيمه
من طرف مصعب الكامل الإثنين أبريل 05, 2010 3:00 pm
قصيده رائعه مافي ذلك شك ياأخ عمر
بس ملحوظه صغيره نرجو كتابه إسم الشاعر صاحب القصيده أعلي
حفظا للحقوق الأدبيه .
وتحياتنا لصاحب هذا الإبداع _مجتبي الصادق
شفيف الود
بس ملحوظه صغيره نرجو كتابه إسم الشاعر صاحب القصيده أعلي
حفظا للحقوق الأدبيه .
وتحياتنا لصاحب هذا الإبداع _مجتبي الصادق
شفيف الود
مصعب الكامل- شامخ نشط
- عدد المساهمات : 48
تاريخ التسجيل : 12/03/2010
رد: يمه صباح الرضاء آيمه
من طرف المجتبى الصادق السبت أبريل 10, 2010 5:37 pm
شكرا علي الملاحظة الاكثر من رائعة استاذي بابكر ....والله احقاقا للحق انا كتبتها مثل ما كتبها الاخ عمر وذلك من فرط الحماس وقلة الخبرة اما وان الدهن في العتاقي كما يقولون فتبقي كما عدلتها انت وهذا من بديهيات الاشياء.فلك الشكر ... ويا شفيف الود سلامات وعوافي................
المجتبى الصادق- شامخ نشط
- عدد المساهمات : 31
تاريخ التسجيل : 02/04/2010
رد: يمه صباح الرضاء آيمه
من طرف بابكرمحمدخير الإثنين مايو 10, 2010 2:45 am
الرائع روعه بلادى الاستاذ المجتبى الصادق إحقاقا للحق فعبارتك الاولى اقوى وابلغ من الكلمة التى بدلتها لك وهذا حسب تعليق الدكتور توفيق الطيب البشير والذى يقول دائما المبالغة فى الشعر هى المطلوبة والشعر أعذبه أكذبه وينتم المابنتما يعنى نسوى الشى الماينسوى وهى صغة المبالغة
شكرا لتقبلك تعليقى وكلمتك هى الاقوى
شكرا لتقبلك تعليقى وكلمتك هى الاقوى
بابكرمحمدخير- مراقب
- عدد المساهمات : 161
تاريخ التسجيل : 09/02/2010
الموقع : السعودية الرياض
صفحة 1 من اصل 1
صلاحيات هذا المنتدى:
لاتستطيع الرد على المواضيع في هذا المنتدى
» المرأة في الماضي وفي الحاضر
» جائزة الطيب صالح العالمية
» سيره ذاتيه
» الصلاة علي النبي الامي
» الصلاة علي النبي
» الحسيناب والاهتمام بتحفيظ القران
» تاريخ الهندسة الميكانيكية عند العرب والمسلمين ..!!
» فضــل سورة الأخلاص